Tala mambu

Tala ntu mia mambu

Mbangi za Yave

Sola ndinga Kikongo

Lusansu lwa 20: Dina Uyisidi mu Mpasi

Lusansu lwa 20: Dina Uyisidi mu Mpasi

NG’OMWENE aki nani kele kingula o Dina? Ndumba za nsi a Kenani kele kingula. Nga ediadi diayangidika Yakobo w’es’andi? Muna vutula kiuvu kiaki tufwete sungamena una Abarayama yo Isaki babadikilanga akento a esi Kenani.

Dina wizidi kingula wan’a makento esi Kenani

Nga Abarayama wazola vo mwan’andi Isaki kasompa nkento a Kenani? Ve. Nga Isaki yo Rebeka bazola vo mwan’au Yakobo kasompa nkento a Kenani? Ve. Ng’ozeye ekuma?

Ekuma kadi, esi Kenani nzambi za luvunu basambilanga. Ke wantu ambote ko muna sompa ngatu vanga yau kikundi. Ozevo, tulenda kala ye ziku vo o Yakobo kayangalalanga ko vo mwan’andi kavanga kikundi ye an’amakento a esi Kenani.

Elo, Dina wayisia mu mpasi. Ng’omwene etoko otalanga Dina muna fwaniswa kiaki? Nkumbu andi Sekeme. Lumbu kimosi vava Dina kayenda kingula an’amakento a esi Kenani, o Sekeme umbakidi mu ngolo, olele yandi. Ediadi diambi kikilu, kadi awana basompa kaka balenda lekana. E mbi yavanga Sekeme kwa Dina yatwasa vonza kiayingi.

Vava mpangi za Dina bawa dina diavangama, bafunga kikilu makasi. Nzole muna yau Simone yo Levi basakisa makasi mau, babonga nsosolo yo kota muna mbanza kuna kinsalukisa. Bavonda Sekeme ye akal’awonso. O Yakobo wiyisawidi mu kuma kia bi wavanga wan’andi.

Ekuma kiavangamena mawonso mama? Mu kuma kia Dina wabanda kikundi yo wantu ke bavuminanga nsiku mia Nzambi ko. Ka tufwete banda kikundi ye wantu a mpila yayi ko.

Etuku 34:1-31.



Yuvu

  • Ekuma Abarayama yo Isaki ke bazolelanga ko vo wan’au basompa esi Kenani?
  • Nga Yakobo wayangalela vo wan’andi amakento bavanga kikundi yo wan’amakento esi Kenani?
  • Nani ndiona otalanga Dina muna fwaniswa? Nkia diambu diambi kavanga?
  • Simone yo Levi ampangi za Dina adieyi bavanga vava bawa edi diabwa?
  • Nga Yakobo watonda dina diavanga Simone yo Levi?
  • Aweyi zakotela e mpasi muna nzo a Yakobo?

Yuvu yakaka

  • Tanga Etuku 34:1-31.

    O Dina nga mu tutu kakingulanga an’amakento a esi Kenani? Sasila dio. (Etu. 34:1)

    O Dina aweyi kakadila ye tumbu kia vidisa kimwenze kiandi? (Ngal. 6:7)

    Adieyi aleke balenda longoka muna mana mabwila Dina? (Nga. 13:20; 1 Kor. 15:33; 1 Yoa. 5:19)