Tala mambu

Tala ntu mia mambu

Mbangi za Yave

Sola ndinga Kikongo

Kunku kia 2: Tuka Kizalu Yaku Luvaiku Muna Engipito

Kunku kia 2: Tuka Kizalu Yaku Luvaiku Muna Engipito

Nana dia wantu kaka bavuluka muna Kizalu. Kansi, kuna kwalanda, bawutana yo wokela. Vioka mvu 352 tuka Kizalu, Abarayama wawutuka. Tulongoka una Nzambi kalungisila nsilu andi a vana Abarayama mwana wayikilwanga vo Isaki. O Isaki wawuta wana wole, o Nzambi wasola Yakobo.

Yakobo wan’ayingi kawuta, wan’amakala 12 ye an’amakento. Ekumi dia wan’andi amakala basaula Yosefe wa mpangi au yo kunteka se mbundu kuna Engipito. Oku sentu, o Yosefe wakituka se mfumu kuna Engipito. Vava kiakala mvengele muna nsi, o Yosefe watonta ampangi zandi mu zaya kana vo basoba ngindu zau zambi. I bosi, nzo yawonso ya Yakobo, i sia vo Aneyisaele bayaluka yo kwenda kuna Engipito. Ediadi diabwa vioka 290 lwa mvu kunima ngutuk’a Abarayama.

Mvu 215 bakala Aneyisaele muna Engipito. O Yosefe vava kafwa, bakitulwa se abundu. O Mose muna kolo kiakina i kawutuka. O Nzambi wansadila mu kula Aneyisaele muna Engipito. E Kunku kiaki KIAZOLE lusansu lwa mvu 857 kiyikanga.

Yakobo ye esi nzo andi bayalukidi bele kuna Engipito