Ezulu ye ntoto akweyi watuka? E ntangwa, ngonde, ntetembwa ye lekwa ya mpila mu mpila ina ova ntoto aweyi yakadila? Nkand’a Nzambi uvananga mvutu za kieleka vo Nzambi wavanga yo. Ozevo, o nkanda wau uyantik’o songa tusansu twa Nkand’a Nzambi mu kuma kia nsema.

E vangwa yantete kavang’o Nzambi ya mianda, ina nze yandi. Ambasi. Kansi wavanga e nza kimana yazingilwa kwa wantu nze yeto. Nzambi wavanga eyakala yo nkento antete, wabavana nkumbu vo Adami yo Eva. Wabasia muna mpatu ambote. Kansi, bakolamena Nzambi yo vidisa zingu kiau.

Tuka kiasemenwa Adami yakuna Kizalu Kiampwena mvu 1.656 miavioka. Yimpumbulu yayingi yakala muna kolo kiokio. O Satana wa vangwa kiamwanda ulembi moneka y’ambasi zandi zambi kun’ezulu bazingilanga. Ova ntoto, Kaini wakala vo ye ulolo wa wantu akaka ambi, kumosi ye wan’a mbasi. Kansi, vakala mpe yo wantu ambote nze, Abele, Kanoke, yo Noa. Tulongoka mawonso ma wantu awaya ye mana mababwila mu Kunku Kiaki KIANTETE.

Bulu muna mpatu ya Edene