Mavangu 18:1-28

  • Paulu osidi umbangi muna Korinto (1-17)

  • Bavutukidi kuna Antiokia ya Suria (18-22)

  • Paulu wele kuna Ngalatia ye kuna Ferungia (23)

  • Apolo wa mpovi ambote osadisu (24-28)

18  Vava kiavioka mambu mama, Paulu okatukidi kuna Atenai, olueke muna Korinto.  Owene mo Nyuda mosi, nkumbu andi Akila, mwisi Ponto, ke kolo ko katukidi kuna Italia yo nkento andi Peresekila, e kuma kadi Kelodio wakanikina vo Ayuda awonso bakatuka muna Roma. Wele kwa yau  wau vo salu kimosi basalanga, onangini muna nzo au yo sala yau kumosi, kadi nzo za ngoto batunganga.  Muna lumbu yawonso ya vundu walongelanga* muna sambilu yo kwikidisa Ayuda ye Mingerekia.  I bosi, vava Sila yo Timoteo bakulumuka tuka kuna Makedonia, Paulu oyantikidi kuyivana emvimba muna samuna diambu yo sila umbangi kwa Ayuda muna kubakwikidisa vo, Yesu i Kristu.  Kansi, vava bakwamanana kunsia kitantu yo kuntianguna, okubwidi mvuatu miandi, oku vo: “Yambula menga meno makala muna ntu mieno. Mpelele kwame. Tuka owau kwa esi zula* ikwenda.”  Okatukidi mo,* wele muna nzo a muntu mosi wavuminanga Nzambi, nkumbu andi Titiose Yuseto, e nzo andi vana ndambu e sambilu yakala.  Kansi, Keresepo wa mbut’e sambilu, okwikidi muna Mfumu, kumosi mpe y’esi nzo andi awonso. Esi Korinto ayingi ana bawidi e nsangu zambote bakwikidi yo vubwa.  Muna fuku, o Mfumu ovovese Paulu muna mona-meso vo: “Kumoni wonga ko, kwamanana vova, kubutama ko, 10  kadi ngina yaku, ke vena muntu ko okubaka mu kuvang’e mpasi; kadi wantu ayingi ngina yau mu mbanza yayi.” 11  Muna kuma kiaki, okedi mo mvu mosi ye ngonde sambanu, olongele diambu dia Nzambi vana bena. 12  Ekolo Ngalio kakala nguvulu* a Akaya, Ayuda batelamene Paulu, banète vana kunda kia lufundisu, 13  bavovele vo: “Muntu ndioyu nkangu kelebanga basambila Nzambi mu mpila ke ina ngwizani ko yo nsiku.” 14  Kansi, vava Paulu kazol’o vova, Ngalio ovovese Ayuda vo: “Kala vo mbi kavangidi yovo nkanu ampwena kavolele, nga wá yadi kunuwá kuna luzindalalu. 15  Kansi wau vo mu kuma kia mvovo, nkumbu yo nsiku eno nufilazianinang’e mpaka, yeno kibeni nusingika dio. Kizolele kala mfundisi a mambu mama ko.” 16  Muna kuma kiaki, ubayingidi vana kunda kia lufundisu. 17  Yau awonso babakidi Sosetene wa mbut’e sambilu, bayantikidi kunwandila vana kunda kia lufundisu. Kansi o Ngalio kasidi kuyisia nkutu muna mambu mama ko. 18  O Paulu vava kanangini ko lumbu yayingi, okanini ampangi, okotele muna nzaza, wele kuna Suria kumosi yo Peresekila yo Akila. Muna Kenkerea, ozengele nsuki zandi, kadi ndofi kadia. 19  Vava balueke muna Efeso, ubasisidi kuna; kansi yandi kibeni, okotele muna sambilu omokene ye Ayuda. 20  Kana una vo bandodokele kakala yau mu kolo kiayingi, kazolele ko, 21  ubakanìni yo vova vo: “Se yavutuka diaka kwa yeno, avo Yave ozolele wo.” Tuka kuna Efeso okotele muna nzaza, 22  okulumukini kuna Kaisaria. Otombokele kuna Yerusaleme kamonana y’ampangi muna nkutakani, i bosi okulumukini kuna Antiokia. 23  Vava kanangini ko mu fikolo, okatukidi, oviokele muna fulu yayingi ya zunga kia Ngalatia ye Ferungia, okumikini alongoki awonso. 24  Nyuda mosi olueke muna Efeso, nkumbu andi Apolo, mwisi Alesanderia; mpovi ambote kakala ye watoma zaya e Sono. 25  Walongwa muna nzil’a Yave, nkwa vema muna lusadisu lua mwanda, wavovanga yo toma longa oma ma Yesu, kansi mvub’a Yoane kaka kazaya. 26  Oyantikidi vova muna sambilu kuna unkabu, vava Peresekila yo Akila banwidi, bambongele, batomene kunsasila e nzil’a Nzambi. 27  Wau vo kuna Akaya kazola kwenda, ampangi basonekène alongoki, babakasakese batoma kuntambula. Vava kaluaka ko, watoma sadisa awana bakituka minkwikizi muna nsambu za Nzambi; 28  kadi kuna unkabu wawonso, wasonga e ziku vana meso ma ndonga vo Ayuda vilwa bakala wau yo kubasonga muna Sono vo Yesu i Kristu.

Mvovo vana yand'a lukaya

Yovo “wamokenanga yau.”
Awana bena vo ke Ayuda ko.
I sia vo, muna sambilu.
Nguvulu i nyadi a mvivu mosi a Roma. Tala Nsas’a Mvovo.