1 Timoteo 4:1-16

  • Lulukisu mu kuma kia malongi ma nkuya (1-5)

  • Mpila yakadila selo kiambote kia Kristu (6-10)

    • Nswaswani vana vena nana e nitu ye vumi wa Nzambi (8)

  • Toma kuyikenga ye longi diaku (11-16)

4  Kansi, e diambu diavumunwinwa* ditomene vova vo, muna lumbu ikwiza ankaka bebembola lukwikilu yo tamba o matu muna mvovo mialuvunu miavumunwinwa kwa mianda miambi ye malongi ma nkuya,  muna umpuki* wa akwa luvunu, ana bena ye ntona zababulwa nze muna sengwa kia tiya.  Besimanga o wantu balembi sompa yo kanikina nkangu bayikenga muna madia mana Nzambi kavanga kimana awana bekwikilanga ye batomene zaya e ludi badila mo kuna matondo.  Kadi lekwa yawonso kavanga o Nzambi yambote, ke vena eki kibembolwa ko avo kitambulwa kuna matondo,  kadi kiveleleso muna diambu dia Nzambi ye muna sambu.  Avo ovene longi diadi kw’ampangi, okala selo kiambote kia Kristu Yesu, walongelwa muna mambu ma lukwikilu ye malongi mambote mana otoma landanga.  Venga tusansu twaluvunu ye lutiangu, nze tuna tuvovuanga kwa akento anunu. Kuna diak’e sambu, sia e ngolo* wasonganga o vumi wa Nzambi.  Kadi o nana e nitu nluta wandwelo ditwasanga, kansi o vumi wa Nzambi nluta utwasanga muna mambu mawonso, kadi una yo nsilu a nsambu za zingu kiaki ye kina kikwiza.  Diambu diadi diaziku ye difwene tambulwilwa e mvimba. 10  Muna diadi i tufuntukilanga yo siamanana, e kuma kadi tusidi e vuvu kieto muna Nzambi amoyo, ona wina vo i Mvuluzi a wantu a mpila zawonso, musungula akwa kwikizi. 11  Kwamanana vana e nkanikinu miami yo longa mio. 12  Kuyambula ko vo muntu kaveza kileke kiaku. Kala kaka se mbandu kuna kwa minkwikizi muna mpova, muna mavangu, muna zola, muna lukwikilu ye muna nkal’avelela. 13  Yavana ikwiza, kwamanana kuyivana muna tangila nkangu e sono yavelela, kubakasakesa* yo kubalonga. 14  Kuvezi* lukau luna omo ngeye ko, luna wavewa muna ungunza vava e buka kia akuluntu bayambika moko mau omo ngeye. 15  Toma badika yo kukivana muna mambu mama; kimana lunungunuku lwaku lwamoneka kwa wantu awonso. 16  Toma kuyilunga-lunga ye longi diaku. Zindalala muna mambu mama, kadi muna vanga wo okuyivuluza ye awana bekuwanga.

Mvovo vana yand'a lukaya

Sina, “o mwanda.”
Yovo “disu kunsi a lukaya.”
Sina, “wiyisinsa; nana e nitu.”
Yovo “wondelela.”
Yovo “kulengeleka.”