Tala mambu

Tala ntu mia mambu

Mbangi za Yave

Sola ndinga Kikongo

 ZINGU KIA KIKRISTU

Tutomesa Ndekwa Zeto Muna Salu kia Umbangi—Tulonga Alongoki eto Bakubikanga

Tutomesa Ndekwa Zeto Muna Salu kia Umbangi—Tulonga Alongoki eto Bakubikanga

EKUMA DININA O MFUNU: Vava alongoki a Nkand’a Nzambi bekubikanga longi diau dikubasadisanga mu toma bakula yo sungamena mana tukubalonganga. Avo batomene bakula, ediadi dikubasadisa mu nungunuka muna mwanda. Kana nkutu ku nima a luvubu, bafwete kubikanga tukutakanu ye salu kia umbangi ediadi dikubasadisa mu ‘kwamanana yingila.’ (Mat 25:13) Muna kuma kiaki, o zaya una balenda longokela yo kala ye nkubika yambote ya longoka, dikubatwasila e nluta muna zingu kiau kiawonso. Tuka kuna lubantiku, tufwete sadisa alongoki bayima e fu kia kubikanga e longi diau dia Nkand’a Nzambi.

UNA TULENDA WO VANGILA:

  • Kala se mbandu ambote. (Roma 2:21) Yindulanga konso nlongoki vava okubikanga konso longi. (km 11/15 3) Unsonga o nkand’aku kimana kamona una okubikilanga

  • Unkasakesa kakubikanga. Tuka longi disikidiswanga, sadisa nlongoki kazaya vo diambote kavanga e nkubika ya kubikanga e longi diandi, unsasila mpe e nluta dilenda kuntwasila. Unsadisa kazaya una kalenda vaulwila e ntangwa mu kubika. Ateleki akaka beyambulanga vo nlongoki andi kasadila o nkanda andi wakubikwa ekolo belongokanga muna sadisa nlongoki kabakula e nluta mia teka kubika. Sanisinanga nlongoki vava kekubikanga

  • Unsonga una kalenda kubikila. Tuka kuna lubantiku, ateleki akaka besadilanga kapu kiamvimba yovo longi muna songa kwa alongoki au una balenda kubikila