Tala mambu

Tala ntu mia mambu

Mbangi za Yave

Sola ndinga Kikongo

 ZINU KIA KIKRISTU

Vana Ngiz’ambote Kw’awana Tubokelesa Muna Luyindulu

Vana Ngiz’ambote Kw’awana Tubokelesa Muna Luyindulu

Kina kia 23 kia Malusu, tezo kia milhões 12 za wantu yovo vioka bekwiza lungana yeto mu Luyindulu. Kieleka, umbangi wambote betambula ekolo belanda o mpovi osasila oma ma lukau lwa Yave lwa lukûlu ye nsambu bevua o wantu. (Yes 11:6-9; 35:5, 6; 65:21-23; Yoa 3:16) Kansi, o mpovi ke yandi kaka ko osila umbangi muna lumbu kiaki kiamfunu. Yeto awonso tulenda vana nginza ambote kw’awana tubokela. (Roma 15:7) Tala zaka ndekwa tulenda sadila.

  • Vana fulu kia vuanda kaka yo vingila yavana lukutakanu luyantika, vana e nginz’ambote kw’awana bekwiza lungana yeto, kumosi ye awana bayoya muna mwanda yo kubakayisa kuna ngemba zawonso

  • Ekolo osia e sungididi kw’awana obokela, diambote mpe mu sia e sungididi kw’awana batambula e mboka muna salu twasala kia kaya e mboka kwa wantu ayingi. Olenda lomba kwa mosi muna yau kafonga yaku. Nusadila kumosi o Nkand’aku a Nzambi yo nkanda a nkunga

  • Kuna mfoko a lukutakanu, kala wakubama mu vana e mvutu za yuvu yau. Avo ntangwa yakete kaka nukala yau mu kuma kia nkutakani yakaka isadila e seka, vanga e nkubika mu kubakingula lembi viokesa lumbu yayingi. Avo kuna ye numero andi ya telefone ko ngatu zaya kuna kezingilanga, olenda vova vo: “Nzolele zaya mana olongokele mu luyindulu lwalu, akweyi ndenda kuvavila?”