Tala mambu

Tala ntu mia mambu

Mbangi za Yave

Sola ndinga Kikongo

 ZINGU KIA KIKRISTU

Tutomesa Ndekwa Zeto Muna Salu Kia Umbangi—Tuvava Mokena yo Wantu Awonso Muna Zunga Kieto

Tutomesa Ndekwa Zeto Muna Salu Kia Umbangi—Tuvava Mokena yo Wantu Awonso Muna Zunga Kieto

EKUMA DININ’O MFUNU: Zakariya wasakula vo wantu a ndinga zawonso za zula betambulwila e nsangu zambote. (Zak 8:23) Kansi nani okubalonga? (Roma 10:13-15) Tuna ye lau ye mbebe ya samuna e nsangu zambote kw’awonso muna zunga kieto.—Organizados (od) luk. 84 tini kia 10-11.

UNA TULENDA WO VANGILA:

  • Kubama. Nga owanananga yo wantu bevovanga ndinga yankaka? Olenda sadila aplicativo ya JW Language mu longoka una olenda yantikila e moko. Olenda mpe sadila aparelho aku mu kunsonga una kalenda sololwela mambu mankaka muna nding’andi muna jw. org

  • Sianga e Sungididi. Avo mu salu kia nzo ke nzo wina, kuviokesa lau ko dia sila umbangi kwa awana belutanga. Mokenanga ye awana beviokanga yovo awana bevingilanga e kalu. Avo mu salu kia sila umbangi vana fulu kia ndonga wina, sia e sungididi muna salu kiaki

  • Kala nkwa fululu. Vanga mawonso mu mokena ye awana ke bewanuka ku nzo ko muna nkingul’a ntete. Vanga ngolo mu mokena yo wantu muna nzo zawonso, dilenda kala muna ola ye lumbu yaswaswana muna lumingu. Kuna kwa wantu akaka dilenda vava vo twamokena yau muna kubasonekena nkanda, kubabokela muna telefone yovo kubasila umbangi muna nzila

  • Kwamanana kunsadisa. Kuviokisinge lumbu yayingi ko mu vutuka kingula awana basongele luzolo lwambote. Avo muntu ndinga yankaka kevovanga, vava muntu olenda kunsadisa muna nding’andi. Ofwete kwamanana kunkingula yavana okunsunzula kwa nteleki ovovanga e nding’andi.—Organizados (od) luk. 94 tini kia 39-40

SONGA E VIDEO, SAMUN’E NSANGU ZAMBOTE “YAKUNA NSUK’A NZA.” I BOSI NUBADIKA E YUVU ILENDE:

  • Nkia nkubika ampangi bavanga muna samuna e nsangu zambote kwa wantu muna zunga yandá? (1 Kor 9:22, 23)

  • Nkia nkakalakani basunda?

  • Nkia nsambu batambula?

  • Nkia ngolo ofwete vanga mu mokena yo wantu ayingi muna zunga kiaku?