Tala mambu

Tala ntu mia mambu

Mbangi za Yave

Sola ndinga Kikongo

 ZINGU KIA KIKRISTU

Yesu Wafwa mu Kuma kia Mpangi Zaku Mpe

Yesu Wafwa mu Kuma kia Mpangi Zaku Mpe

Yesu wavana moyo andi mu kuma kia wantu alembi lunga. (Roma 5:8) Kalukatikisu ko vo tuvutulanga matondo mu kuma kia zola katusonga o Yesu wau kavana moyo andi muna wete dieto. Kansi, diambote twasungamenanga vo Kristu wafwa mpe mu kuma kia mpangi zeto. Aweyi tulenda songela o zola nze kwa Kristu muna mpangi zeto z’akala ye z’akento bena vo wantu alembi lunga nze yeto? Badika mpila tatu. Yantete, tulenda vanga kikundi ye awana bena ye fu ya kisi nsi yaswaswana ye yeto. (Roma 15:7; 2 Kor 6:12, 13) Yazole, tufwete keba twalembi vova yovo vanga diambu dilenda kendeleka akaka. (Roma 14:13-15) Yantatu, avo muntu utuvangidi e mbi tulenda kunloloka vana vau. (Luka 17:3, 4; 23:34) Avo tusidi e ngolo mu tanginina Yesu muna diambu diadi, Yave okwamanana sambula e nkutakani kimana yakala mu luvuvamu ye ungudi.

NUTALA E VIDEO, KALA YE NGINDU ZASIKILA MUNA MPANGI ZAKU, I BOSI NUVANA E MVUTU ZA YUVU ILENDE:

  • Aweyi o Miki kamonanga kuna lubantiku mu kuma kia mpangi za nkutakani andi?

  • Adieyi diansadisa mu soba e ngindu zandi?

  • Aweyi e mbandu a Yesu yasadisila Miki mu singika e ngindu zandi? (Maku 14:38)

  • Aweyi e sono kia Ngana 19:11 kikutusadisilanga mu kala ye ngindu zasikila mu kuma kia mpangi zeto?