Tala mambu

Tala ntu mia mambu

Mbangi za Yave

Sola ndinga Kikongo

 ZINGU KIA KIKRISTU

Tutomesa Ndekwa Zeto Muna Salu kia Umbangi—Sadisa Alongoki a Nkand’a Nzambi Banungunuka, Bakiyekola yo Vubwa

Tutomesa Ndekwa Zeto Muna Salu kia Umbangi—Sadisa Alongoki a Nkand’a Nzambi Banungunuka, Bakiyekola yo Vubwa

EKUMA DININ’O MFUNU: Muna vua e dienga dia Yave, alongoki a Nkand’a Nzambi bafwete yekola e zingu kiau kwa Yave yo vubwa. (1 Pet 3:21) Yave ovananga lutaninu lwa mwanda kw’awana bezingilanga e ngwizani ye kukiyekola kwau. (Nku 91:1, 2) Akristu kwa Yave bekukiyekolanga ke kwa muntu ko ngatu nkubika. Muna kuma kiaki, alongoki a Nkand’a Nzambi bafwete yima zola yo songa luyangalalu lwau muna Nzambi.—Roma 14:7, 8.

UNA TULENDA WO VANGILA:

  • Ekolo nulongokanga, nuvava zaya dina mambu nubadikanga mekunulonganga mu kuma kia Yave. Toma songa o mfunu wa tangang’o Nkand’a Nzambi lumbu yawonso yo samba kwa Yave “ntangwa zawonso.”—1 Tes 5:17; Yak 4:8

  • Kasakesa o nlongoki aku kasikidisa ekani dia kukiyekola yo vubwa. Unkasakesa mpe kasikidisa makani mankaka nze, vana e mvutu muna tukutakanu yovo sila umbangi kwa mfinangani ye kwa akw’andi a salu ye asikola. Sungamena dio vo Yave kekomekenanga muntu ko kansadila. O kukiyekola nzengo za muntu yandi kibeni.—Nsi 30:19, 20

  • Kasakesa nlongoki aku a Nkand’a Nzambi kavanga e nsobani zivuilu o mfunu mu yangidika Yave yo kuyifwanisa muna vubwa. (Nga 27:11) Wau vo eyaka fu yampasi ikalanga mu yambula yo, o nlongoki a Nkand’a Nzambi olenda vava lusadisu lwafwana mu katula kiwuntu kiankulu yo vuata kiwuntu kiampa. (Efe 4:22-24) Unzaisa oma ma longi dina yo ntu a diambu “Nkand’a Nzambi Zingu kia Wantu Usobanga” divayikanga muna Eyingidulu

  • Unzayisa e kiese omonanga muna sadila Yave.—Yes 48:17, 18