Tala mambu

Akweyi Kutukanga e Nzimbu Zisadilwanga e Salu Kieno?

Akweyi Kutukanga e Nzimbu Zisadilwanga e Salu Kieno?

E nzimbu zisadilwanga e salu kieto kia samun’e nsangu zambote, entete mu tukau twamvevo twa Mbangi za Yave zitukanga. Muna tukutakanu kweto, ke mulombwanga nzimbu ko ngatu tini kiekumi. (Matai 10:​7, 8) Kansi, muna fulu ya tukutakanu tweto musiwanga e nkela za tukau kimana konso ndion’ozolele kasia mo lukau lwandi lwamvevo. Ana bevananga tukau ke bezayakananga ko.

Wau vo ke tuna ye mfumu za mabundu ko ana befutwanga, e nzimbu zeto zitoma sadilwanga muna salu kieto. Vana ntandu, Mbangi za Yave ke befutwanga ko mu kuma kia samuna nsangu zambote muna nzo ye nzo. E fulu yeto ya nsambila, ke yantalu ko.

Tukau twawonso tufilwanga muna mavula ma Mbangi za Yave tusadilwanga mu sadisa awana bebwilwanga e sumbula, misionario, akengi a zunga, tunga fulu ya nsambila muna nsi za usukami, nieteka yo kaya Nkand’a Nzambi ye nkanda miakaka mia Kikristu.

Konso muntu muna luzolo lwa yandi kibeni, ovananga tukau mu kuma kia nsatu za nkutakani ye salu kia umbangi mu nza yawonso. Konso ngonde, e nkutakani zawonso zizayisanga kwa nkangu e ntalu a nzimbu za tukau batambwidi ye una zisadilu.