Tala mambu

Mbangi za Yave

Sola ndinga Kikongo

Nani Wayantika Dibundu Dieno?

Nani Wayantika Dibundu Dieno?

E nkubik’a Mbangi za Yave mu lumbu yeto, yayantika muna mvu wa 1870. Muna mvu wauna, buka kiandwelo ki’Alongoki a Nkand’a Nzambi bazingilanga lukufi ye mbanz’a Pittsburgh, Pennsylvania, kuna Estados Unidos, bayantika vavulula Nkand’a Nzambi. Batezanesanga malongi malongwanga muna mabundu ye malongi makieleka ma Nkand’a Nzambi. Bayantika soneka mana balongokanga muna nkanda, zulunalu ye finkanda fiyikilwanga owau vo Eyingidilu​Disamunanga Kintinu kia Yave.

Mosi muna buka kiakina ki’Alongoki awaya aziku a Nkand’a Nzambi i Charles Taze Russell. Kana una vo Russell wavitang’o ntu muna salu kia longa Nkand’a Nzambi yo yantika vaikisa Eyingidilu, kavanga dibundu diampa ko. Nze buka, ekani dia Russell ye Alongoki akaka a Nkand’a Nzambi diatoma zayakana, i sia vo, samuna malongi ma Yesu Kristu yo landa mavangu ma nkutakani y’Akristu a tandu kiantete. Wau vo Yesu wayantika Kikristu, yandi wayantika e nkubik’eto.​—Kolosai 1:​18-20.