Tala mambu

Nki i Longi dia Bibila?

Nki i Longi dia Bibila?

Mbangi za Yave bavwidi nkubika ya longoka Nkand’a Nzambi yo wantu, ediadi dikubasadisanga mu vana mvutu za yuvu yayingi itokanesanga wantu nze eyi:

  • Nani i Nzambi?

  • Nga Nzambi okumvwanga kieleka mfunu?

  • Aweyi ndenda tomesena longo lwame?

  • Aweyi ndenda sololwela kiese muna zingu?

Tala mvutu za yuvu betoma yuvulanga wantu mu kuma kia nkubika eto ya longoka Nkand’a Nzambi yo wantu.

Elongi diadi aweyi divangamenanga? Ntu mia mambu tusadilanga, nze “Nzambi” yovo “longo” yo fimpa sono ya Nkand’a Nzambi yitoma kiesesanga diambu dina tusolele. Muna toma tezanesa mambu, tusololanga mawonso mevovanga Nkand’a Nzambi mu kuma kia diambu diodio. Muna mpila yayi, tuyambulanga vo Nkand’a Nzambi watoma kisasila.

Muna longoka Nkand’a Nzambi una ufwene, tusadilanga Adieyi Bibila Kilenda Kutulonga? Nkanda wau utoma kiesesanga mambu mayingi kelonganga Nkand’a Nzambi mu kuma kia Nzambi, Yesu ye vuvu kieto kieto kia kusentu.

Nga nzimbu tulombanga muna longoka Nkand’a Nzambi yo wantu? Ve, elongi diadi diangovo, kana nkutu nkanda mina tusadilanga ke milombelwanga nzimbi ko.

Ola kwa dizingilanga elongi diadi? Wantu ayingi bevaulanga ola mosi muna konso lumingu kimana twalongoka yau Nkand’a Nzambi. Nkubika yayi ya longoka Nkand’a Nzambi ke ina ye ntangwa yasikididi ko ifwete zingila. Tuvava zitisa ntangwa ina osikidisa ngeye kibeni.

Adieyi nuvanga avo nzolele longoka Nkand’a Nzambi? Avo ozolele longoka Nkand’a Nzambi, Mbangi mosi a Yave okwiza kukingula muna ola ye fulu kina ozolele. Muna miniti miakete okusonga e nkubika tusadilanga muna longoka Nkand’a Nzambi yo wantu. Avo oyangalele mu mana kekusonga, olenda kwamanana longoka.

Avo ntambulwidi longoka Nkand’a Nzambi, nga mfwete kituka se Mbangi a Yave? Ve. Yeto Mbangi za Yave tuyangalalanga longoka Nkand’a Nzambi yo wantu, kansi ke tukomekenanga muntu ko kakota mu dibundu dieto. Vana fulu kia komekena wantu, tutoma kubasonganga dina Nkand’a Nzambi uvovanga. Tuzeye wo vo konso muntu ovwidi nswa wa sola mana kekwikila.​—1 Petelo 3:15.