Tala mambu

Ameyi Mevangamanga Muna Longi dia Bibila ye Mbangi za Yave?

Ameyi Mevangamanga Muna Longi dia Bibila ye Mbangi za Yave?

 Aweyi Wantu Belongokelanga Bibila?

O nlongi okusadisa mu toma zaya malongi ma Bibila muna ntu mia mambu. Avo osadidi o nkanda Zinga ye Kiese Yakwele Mvu!—Nkanda wa longokela Bibila, malembe-malembe olongoka mana Bibila kilonganga ye una malenda kusadisila. Muna zaya mayingi, tala e video yayi.e as well as how it can help you. To learn more, watch this video.

 Nga mfwete futa nzimbu muna longoka Bibila?

Ve. Mbangi za Yave belandanga e nkanikinu una Yesu kavana kwa alongoki andi: “Ngovo nutambwidi, ngovo nuvana.” (Matai 10:8) Vana ntandu, ke dina mfunu ko mu futa e nzimbu mu kuma kia salanganu ya longokela ina otambula, nze i Bibila ye nkanda una ye ntu a diambu Zinga ye Kiese Yakwele Mvu!

 Nkia kolo dizingila e longi diadi?

Nkanda wawonso walongokela Bibila uvuidi kapu 60. Ngeye ozaya kana malongi makwa olenda longoka mu nkumbu mosi, kansi alongoki ayingi bemonanga vo diambote mu longoka longi dimosi yovo lutila muna konso lumingu.

 Aweyi ndenda yantikila?

  1. 1. Soneka e ndomba muna nzil’eto ya Internete. E mambu ma ngeye kibeni mana osoneka, tusadila mo kaka kimana mosi muna Mbangi za Yave keza kukingula.

  2. 2. Nlongi mosi a Bibila okuvava. O nlongi aku okusasila mana mevavuanga muna longi dia Bibila yo vana e mvutu za konso kiuvu una kiau.

  3. 3. Ongeye ye nlongi aku nuvanga e nkubika za longokela. Nulenda longokanga mantalani yovo muna telefone, muna video-conferência, muna nkanda yovo muna email. E longi ola mosi kaka dizingilanga, kansi lulenda dio lambula yovo kufika landila e program’aku.

 Nga ndenda teza ntete?

Ingeta. Olenda wo vanga muna soneka e ndomba muna nzil’eto ya Internete. Vava nlongi kemokena yaku, unzayisa vo teza ntete ozolele teza muna zaya kana vo oyangalela dio yovo ve. O nlongi osadila finkanda, Zinga ye Kiese Yakwele Mvu! fina ye malongi matatu ma lubantiku. E malongi mama mekusadisa mu zaya kana vo oyangalela longoka yovo ve.

 Avo ntambulwidi longoka Bibila, nga bekunkomekena yakituka Mbangi a Yave?

Ve. Mbangi za Yave beyangalelanga longoka e Bibila yo wantu, kansi ke bekomekenanga wantu ko mu kota mu dibundu dieto. Kansi, kuna luzitu tusonganga mana Bibila kivovanga ye tuzeye wo vo konso muntu ovuidi nswa wasola mana kekwikila.—1 Petelo 3:15.

 Ndenda sadila e Bibila kia mono kibeni?

Ingeta, olenda sadila kwaku konso nsekola ya Bibila ina ozolele. Tuzeye wo vo ekolo yeto tuzolanga sadila Bibila—Nsekola ya Nz’ampa, kadi yatoma kiá ye yaziku, wantu ayingi bezolanga sadila e nsekola zina bakulukiana.

 Ndenda bokelesa wantu ankaka bakala yame entwadi muna longi?

Ingeta. Olenda kala kumosi ye esi nzo aku awonso yovo akundi aku ana ozolele.

 Avo yalongoka kala e Bibila ye Mbangi za Yave muna mvu miavioka, nga ndenda vutukila diaka o longoka?

Ingeta. Kieleka, otoma yangalala e ndekwa zeto zampa za longokela ke mu zina twateka sadilanga ko, kadi mambu mayingi tusobele muna lenda lungisa e nsatu za wantu. Nswaswani ye ndekwa zankulu za longokela Bibila twasadilanga, owau meso ye mbokena tutoma sadilanga.

 Nga nuvananga mpe e lau dia longoka Bibila kwa wantu lembi kala mantalani ye nlongi?

Ingeta. Kana una vo alongoki ayingi beluta vuanga e nluta muna lusadisu lwa alongi, akaka entete beyangalalanga longoka yau kibeni. Tuvuidi Salanganu ya Longokela Bibila, e salanganu yayi ya ngovo ilenda kusadisa muna longi diaku dia Bibila. Tala yaka e salanganu ilenda kusadisa:

  • Longokela Bibila mu Internete. Muna malongi mama olenda baka e mvutu za yuvu isundidi o mfunu muna zingu, nze i kiaki: Nani i Nzambi? Ekuma mpasi ye mbi inina? Nga Nzambi osinga sukisa e mpasi?

  • Video za Malongi ma Bibila. E video zazi zankufi zisasilanga malongi mamfunu ma Bibila.

  • Mvutu za Yuvu ya Bibila. E malongi mama mevananga e mvutu za yuvu ya mpila mu mpila mu kuma kia Bibila.

  • Sono ya Bibila Yasasilwa. E salanganu kiaki kisengomonanga e nsas’a sono ye mvovo mia Bibila mitomene zayakana.