Tala mambu

Mbangi za Yave

Sola ndinga Kikongo

Nga Akwa Ngangu Bekwikilanga vo Yesu Wazinga ova Nza?

Nga Akwa Ngangu Bekwikilanga vo Yesu Wazinga ova Nza?

Akwa ngangu bavwidi kuma kiasikila mu kwikila vo Yesu wazinga kikilu ova nza. Mu kuma kia dina bavova asoneki a lusansu muna tandu kiantete ye kiazole mu kuma kia Yesu y’Akristu a tandu kiantete, o nkanda Encyclopaedia Britannica wa mvu a 2002 uvovanga vo: “Tusansu twatu twa wantu akaka tusonganga vo, kuna nz’ankulu kana nkutu atantu a Kikristu ke bafidisa lusansu lwa Yesu mpaka ko. O lusansu lwa Yesu lwayantika fidiswa mpaka kuna mfoko a tandu kia 18, muna tandu kia 19 ye kuna lubantiku lwa tandu kia 20.”

Muna mvu a 2006, o nkanda Jesus and Archaeology (Yesu ye Asatuludi) wavova vo: “O unu, ke vena nkwa ngangu ko on’otoma zitiswanga lenda katikisa vo Nyuda una ye nkumbu a Yesu wa mwan’a Yosefe wazinga kikilu. Ndonga bekwikilanga vo owau mayingi tuzeye mu kuma kia mavangu ye malongi ma Yesu.”

Nkand’a Nzambi usonganga vo Yesu muntu a kieleka. Uyikanga e nkumbu z’akulu ye yitu yandi. (Matai 1:1; 13:55) Uyikanga mpe nkumbu z’ayadi bakala muna lumbu ya Yesu. (Luka 3:1, 2) Nsangu zazi zisadisanga afimpi a mambu mu bakula e ziku kia lusansu lwa Nkand’a Nzambi.