Mvutu za Nkand’a Nzambi

O moyo wavauka vana meso ma Nzambi. Obadikilanga mwana una muna vumu vo muntu kikilu. Davidi wa Ntinu wavumunwinwa mu soneka mu kuma kia Nzambi vo : “O meso maku mambona una kiavangamena ko.” (Nkunga 139:16) Nzambi wavova vo konso muntu ovonda mwana una muna vumu, nkanu kanete. Muna kuma kiaki, vana meso ma Nzambi, o katula vumu diau adimosi kwandi yo vonda muntu.—Luvaiku 20:13; 21:22, 23.

Kansi, adieyi tuvova avo diambu diampimpita dibwidi dilenda fila akazi mu sola kana vo zingu kia ngudi kifwete taninwa yovo kia mwana una muna vumu? Muna diambu diadi, akazi bafwete bak’e nzengo za sola kana moyo a nani ufwete taninwa.