Mvutu za Nkand’a Nzambi

Nkand’a Nzambi utoma songanga vo ve! E mpasi ke zakala ko mun’ekani dia Yave wa Nzambi vava kasema wantu. Kansi, eyakala yo nkento antete bakolamena wisa kia Nzambi, babaka nzengo za sikidisa edi diambote y’edi diambi. Babembola Nzambi yo baka mfwilu.

O unu tumonanga mfwilu mia nzengo zambi babaka. Muna kuma kiaki, ke Nzambi ko i tuku diampasi bemonanga wantu.

Nkand’a Nzambi uvovanga vo: “Ke vakadi on’ovukumunwa ovova ko vo, kwa Nzambi mvukumunwa: kadi Nzambi kalendi vukumunwa kwa bi ko.” (Yakobo 1:13) Konso muntu olenda bwila e mpasi, kana nkutu awana besadilanga Nzambi ye kwikizi.