Mvutu za Nkand’a Nzambi

Kuna nz’ankulu, Nzambi wayambulanga vo akala basomba akento ayingi. (Etuku 4:19; 16:1-4; 29:18-29) Kansi, ke Nzambi ko i tuku dia longo lwa nganda. Kadi nkento mosi kaka kavana kwa Adami.

Nzambi wavana nswa kwa Yesu kimana kasikidisa diaka ekani diandi diantete dia sia vo eyakala nkento mosi kaka kafwete sompa. (Yoane 8:28) Vava kayuvulwa e diambu dia longo, Yesu wavova vo: “Ona wabavanga kuna lubantiku eyakala yo nkento kabavang’e? ovovele mpe vo, Muna diambu diadi o’yakala kafwete yambwil’o s’andi yo ngw’andi, katatidil’o nkaz’andi; yau ewole bakala se nitu mosi.”—Matai 19:4, 5.

I bosi, mosi muna alongoki a Yesu wavumunwinwa kwa Nzambi mu soneka vo: “Konso yakala, yambula kakala yo nkaz’andi, konso nkento mpe yambula kakala yo nkaz’andi.” (1 Korinto 7:2) Nkand’a Nzambi uvovanga mpe vo konso yakala ovewa kiyekwa muna nkutakani a Kikristu kafwete kala yakala dia “nkento mosi.”—1 Timoteo 3:2, 12.