Tala mambu

Mbangi za Yave

Sola ndinga Kikongo

Nga Nzambi Wasema Nkadi Ampemba Muna Kututont’e?

Nga Nzambi Wasema Nkadi Ampemba Muna Kututont’e?

Mvutu za Nkand’a Nzambi

Nkand’a Nzambi usonganga vo ke Nzambi ko wasema Nkadi ampemba. Kansi, muntu kasema i wakituka se Nkadi ampemba. Nkand’a Nzambi uvovanga mu kuma kia Nzambi vo: “Mavangu mandi malunga; kadi ngyenda zandi zawonso zansongi. O Nzambi nkwa ziku, yo kondw’o vilwa, wansongi kwandi yo singama.” (Nsiku 32:3-5) Muna mvovo miami, tulenda vova vo Nkadi Ampemba wa Satana muntu alunga ye nsongi kakala. Mosi muna mbasi za Nzambi.

Muna Yoane 8:44 Yesu wavova vo Nkadi ampemba ‘kasikila ko muna ludi.’ Ediadi disonganga vo Satana mu ludi kakala yo kondwa vilwa.

Kansi, nze vangwa yakaka yangangu ya Yave, e mbasi ndiona wakituka Satana, wakala ye nswa wasola mu vanga edi diambote yovo edi diambi. Wau kasola edi diambi diankitula nze ntantu a Nzambi yo vukumuna yakala yo nkento antete. Mbasi ndioyu wayikitula se Satana, i sia vo, “Ntantu.”—Etuku 3:1-5; Lusengomono 12:9.