Mvutu za Nkand’a Nzambi

Ndonga belongwanga vo ke tulendi zaya ko ana basoneka kieleka Nkand’a Nzambi. Kansi, Nkand’a Nzambi utoma songanga ana basoneka wo. E sono yakaka iyantikilanga mu mvovo emi: “O mambu ma Nekemiya,” “e mona-meso kia Yesaya” ye “e diambu dia Yave dina diayiza kwa Yoele.”—Nekemiya 1:1; Yesaya 1:1; Yoele 1:1.

Asoneki ayingi a Nkand’a Nzambi bazaya wo vo mu nkumbu a Yave wa Nzambi mosi kaka aludi basonekena wo. Angunza ana basoneka Sono ya Kiyibere (Luwawanu Luankulu) vioka nkumbu 300 bavova vo: “I wau wuwu kavovele o Yave.” (Amose 1:3; Mika 2:3; Nakumi 1:12) Asoneki akaka kwa mbasi batambulwila e nsangu za Nzambi zina basoneka.—Zakariya 1:7, 9.

Tezo kia wantu 40 basoneka Nkand’a Nzambi mu kolo kia 1.600 za mvu. Akaka basadilwa mu soneka nkanda miayingi muna Nkand’a Nzambi. I kuma vo, Nkand’a Nzambi i lundilu dia nkanda 66. Ndonga beyikilanga nkanda 39 mia Sono ya Kiyibere vo Luwawanu Luankulu; e nkanda 27 mia Sono ya Kingerekia ya Kikristu vo Luwawanu Lwampa.