Mvutu za Bibila

 Nkumbu miayingi, o wantu wonga wa lufwa bemonanga. E Bibila kivovanga vo lufwa i mbeni eto. (1 Korinto 15:26) Ekiaki i kuma tuvangilanga mawonso muna tanina e mioyo mieto. Kansi akaka ‘bebundunuanga’ kwa wonga wasaka wa lufwa mu kuma kia malongi maluvunu belongwanga kumosi ye tusansu twa kinkulu. (Ayibere 2:15) O zaya e ludi dikusadisa mu sunda o wonga wa lufwa, owu ulenda kufila mu lembi yangalela e zingu.—Yoane 8:32.

E ludi mu kuma kia lufwa

•   Awana bafwa ke bazeye diambu ko. (Nkunga 146:4) Ke dina mfunu ko mu mona o wonga wa mweswa e mpasi yovo bangikwa kunim’a lufwa, kadi e Bibila kitezanesanga o lufwa ye tulu.—Nkunga 13:3; Yoane 11:11-14.

•   Awana bafwa ke balendi kutumwesa mpasi ko. Kana nkutu e mbeni zeto ana bakala vo akwa nsoki, ke bena diaka yo nkuma ko. (Ngana 21:16) Bibila kivovanga vo “o zola kwau ye kitantu kiau ye kimpala kiau kivuidi vila.”—Kimpovi 9:6.

•   O lufwa ke i mfoko a mawonso ko. Nzambi ofutumuna awana bafwa.—Yoane 5:28, 29; Mavangu 24:15.

•   Nzambi osianga nsilu vo “o lufwa ke lukala diaka ko.” (Lusengomono 21:4) Mu kuma kia kolo kiaki, e Bibila kivovanga vo: “Ansongi bevua nza, bezingila vo yakwele mvu,” kondwa kwa wonga wa lufwa.—Nkunga 37:29.