Mvutu za Bibila

 Bibila ke kitoma vovelanga e vangu dia tá mpanza ko. Kansi e nkanikinu mia Bibila mikutusadisanga mu bakula vo vana meso ma Yave, o tá e mpanza sumu.—Efeso 5:17. a

•   E loko i diau difilanga wantu ayingi mu tá e mpanza. Yave omenganga e fu kiaki. (1 Korinto 6:9, 10; Efeso 5:3, 5) Awana betanga e mpanza, bezolanga tambula e nzimbu zina wantu akaka bevidisanga. Kansi, e Bibila kisimanga e fu kia lokokela e lekwa yangani.—Luvaiku 20:17; Roma 7:7; 13:9, 10.

•   O tá e mpanza kana nkutu muna sadila nzimbu zakete, dilenda fila o muntu mu yima e fu kia zola e nzimbu. E fu kiaki mfwilu miayingi kitwasanga.—1 Timoteo 6:9, 10.

•   Nkumbu miayingi, awana betanga e mpanza bebundanga e vuvu muna mpandu. Kansi, Nzambi obadikilanga e vangu diadi vo nsambil’a teke, eyi ke ina ngwizani ko ye nsambil’aludi.—Yesaya 65:11.

•   Vana fulu kia baka e nzimbu lembi vanga ngolo, e Bibila kikutukasakesanga mu sala ye fululu kiawonso. (Kimpovi 2:24; Efeso 4:28) Awana belemvokelanga e nkanikinu mia Bibila ‘bedianga madia ma salu kia moko mau.’—2 Tesalonika 3:10, 12.

•   O tá e mpanza dilenda fila o muntu mu yima e fu kia vava sunda akaka. E Bibila kisimanga e fu kiaki.—Ngalatia 5:26.