Tala mambu

Adieyi Ovanga Kele vo u Mbundu a Tala Mavangu ma Zumba?

Adieyi Ovanga Kele vo u Mbundu a Tala Mavangu ma Zumba?

Mana olenda vanga

Bakula e kani dia mavangu ma zumba. Tala mavangu ma zumba i vangu dikululanga o zitu wa diambu dina Nzambi kasikidisa vo difwete zitiswa. Avo obakwidi e diambu diadi, dikusadisa mu “menga edi diambi.”—Nkunga 97:10.

Zala e mfwilu. O wantu betalanga mavangu ma zumba ke bezitiswanga ko. E vangu diadi dikubakatulanga o zitu. I dianu o Nkand’a Nzambi uvovelanga vo: “O nlungaladi omwene mbi, oswekamene; Atunga, lutakana, badilu o nkanu.”—Ngana 22:3.

Dia e ndofi. Yobi wa nkwa kwikizi wavova vo: “Nkangidi ekangu yo meso mame; ozevo aweyi ntadila ndumba?” (Yobi 31:1) Tala e ndofi zina olenda dia:

  • Kisadila Internete va fulu kia mono mosi ko.

  • Avo site nkotele ke yambote ko, mfwete yo kanga vana vau.

  • Avo mbwidi muna ntambu, mfwete mokena yo nkundi wazikuka.

I diau mpe divangamanga kwa muntu otalanga mavangu ma zumba. Avo okitukidi se mbundu, diampasi dikala mu yambula mo tala

Tulanga e diambu diadi muna sambu. Ntozi a nkunga wadodokele Yave wa Nzambi, oku vo: “Vengomona meso mame muna tala wete wavêla (mambu makondwa mfunu).” (Nkunga 119:37) Nzambi ozolele vo wayambula e vangu diadi diambi. Avo osambidi okuvana o nkuma kimana wavanga edi diambote!—Filipi 4:13.

Zayisa dio kwa muntu. Mokena yo muntu obundanga e vuvu dilenda kusadisa mu yambula e vangu diadi.—Ngana 17:17.

Sungamena diambu edi: Konso ntangwa kuzolele tala mavangu ma zumba ko, zaya dio vo vita yampwena osundidi.  Zayisa e nsunda yayi kwa Nzambi, umvutula matondo muna ngolo kekuvananga. Avo oyambwidi tala mavangu ma zumba, oyangidika ntim’a Nzambi!—Ngana 27:11.