SUMU

Nzambi wavanga mase meto mantete Adami yo Eva muna fwaniswa kiandi. (Tuku 1:27) Ediadi disongele vo bakala ye lendo kia tanginina e fu ya Yave una ufwene, kumosi ye luvuvamu yo zola. (1 Korinto 14:33; 1 Yoane 4:8) Kansi, Adami yo Eva bakolamena Nzambi yo sumuka. Mu kuma kia ukolami wau, yeto awonso twasambukila e sumu yo lufwa. (Roma 5:12) E sumu twasambukila dilenda kutufila mu yindula yo vanga mambu mansoki.—Tuku 6:5; Maku 7:21, 22.

LUYALU LWA WANTU

Nzambi katuvanga ko kimana twakiyala. E Bibila kivovanga vo: “O muntu kalendi singika e ntambi zandi ko.” (Yeremiya 10:23) Muna kuna kiaki, ayadi a nza ke balendi fokola emvimba e vita ko ye mavangu mansoki.

SATANA YE NKUYA MIANDI

E Bibila kivovanga vo “e nza yawonso ina muna wisa kia ndiona wambi.” (1 Yoane 5:19) O “ndiona wambi” i Satana wa Nkadi ampemba una vo mumponda-muntu. (Yoane 8:44) Yandi ye nkuya miandi befilanga o wantu mu nuana e vita yo nungununa mavangu mansoki.—Lusengomono 12:9, 12.