Tala mambu

Tala ntu mia mambu

 LONGI DIA 1

Azeyi i Nsangu Zambote?

Azeyi i Nsangu Zambote?

1. Azeyi i nsangu zitukidi kwa Nzambi?

Nzambi ozolele vo twakala ye zingu kiakiese ova ntoto. Wasema o ntoto ye lekwa yawonso ina mo mu kuma kia zola kwandi muna wantu. Ke kolo ko, diambu kevanga mu twasa e zingu kiambote kwa wantu mu nza yawonso. Ovevola wantu muna mambu mawonso metwasanga e mpasi.—Tanga Yeremiya 29:11.

Ke vena luyalu ko lulenda fokola umpumbulu, yimbevo yovo lufwa. Kansi, vena ye nsangu zambote. Ke kolo ko, Nzambi ofwasa tuyalu twawonso twa wantu yo sikidisa luyalu lwandi. Awana beyalwa kwa luyalu lwalu bekala ye luvuvamu yo vimpi wambote.—Tanga Yesaya 25:8; 33:24; Daniele 2:44.

2. Ekuma nsangu zambote zifwete samunwinwa mu nzaki?

E mpasi zisinga fokoka kaka vava Nzambi kefwaswa wantu ambi ova ntoto. (Sefaniya 2:3) Nkia ntangwa divangama? Nkand’a Nzambi wayika mambu memwesanga wantu e mpasi o unu. Mambu mambi mevangamanga ova ntoto mesonganga vo e ntangwa ina Nzambi kefwasa wantu ambi se ifwana.—Tanga 2 Timoteo 3:1-5.

3. Adieyi tufwete vanga?

Tufwete longoka mu kuma kia Nzambi muna Nkand’a Nzambi una vo i Diambu diandi. Una nze nkanda watwika ese dianzodi kuna kwa wan’andi. Ukutuzayisanga una tulenda kadila ye zingu kiambote owau ye una tulenda vwila moyo a mvu ya mvu kuna sentu. Dialudi vo, akaka ke beyangalala ko vo wasadiswa mu bakula Nkand’a Nzambi. Kansi, kuyambula ko vo akaka bavukumuna walembi vwa e nzingu kiambote kuna sentu.—Tanga Ngana 29:25; Lusengomono 14:6, 7.