ZINGU KIA NZO kizayakene vo i nkubika asina ya wantu, kansi o unu mu lubangamu yina. Owokela kwa umpumbulu kuna kwa aleke ye ndua za dikaya, ye vuku kia tandu kiaki kia vambana kwa longo ye nsoki muna nzo, yo wokela kwa nzo zakondwa se yovo ngudi, ye maka mambu ma mpasi, mesianga e zingu kia nzo mu lukatikisu kana vo kilenda twasa e nluta.

Esi nzo nga balenda kwau kuyivwa o mfunu, kuyisiamisa ye kuyitanina? Elo, balenda kele vo esi nzo bazeye e mbumba ya kieleka ya zingu kia nzo ya kiese. E mbuba yayi ke yaswekama ko. Isadilwanga tuka kolo yo twasa nluta miambote. Ayei i mbumba yayi? O nkanda wau, Mbumba ya Zingu kia Nzo ya Kiese, uvana e mvutu. Usonga mpe e mbandu yamfunu ya mpila e “mbumba” yayi ilenda sadisila muna singika ulolo wa mambu ma mpasi muna zingu kia nzo. Nga vena yo muntu o unu kavwidi mfunu a luludiku lwalu ko?