Bibila kiazala ye nona ya sambu ina Yave kavanina e mvutu. Vava selo ya Nzambi bamona una Yave kawila e sambu yau yo kubasadisa, ediadi diakumika kikilu lukwikilu lwau. Muna kuma kiaki, vava tusambanga, diambote twayikanga mambu masikididi yo vava bakula una Yave kevaninanga e mvutu. Diambote mpe twasungamenanga vo e mvutu za Yave zilenda kala zaswaswana ye zina tuvingilanga. (2 Kor. 12:7-9; Efe. 3:20) Nkia mvutu kalenda kutuvana o Yave muna ndomba zeto?

• Nkuma muna nitu, ngindu zavuvama yovo lukwikilu lwasikila muna zizidila e mpasi.—Fili. 4:13

• Ngangu mu baka nzengo zambote.—Yak. 1:5

• Luzolo yo nkuma wa vanga diambu.—Fili. 2:13

• Luvuvamu lwa ntima vava tukalanga ye ntokani.—Fili. 4:6, 7

• Lusadisu yo lukasakeso lwa ampangi zeto.—1 Yoa. 3:17, 18

• Lusadisu kwa awana tuyikanga muna sambu yeto.—Mav. 12:5, 11

TALA E VIDEO, YAVE “OWANGA E SAMBU.” I BOSI, VANA E MVUTU ZA YUVU ILENDE:

• Aweyi e mbandu a mpangi Shimizu ilenda kutukasakesela avo ke tulendanga diaka vanga mayingi ko mu kuma kia mayela?

• Aweyi tulenda tanginina e mbandu a mpangi Shimizu?