Mu lumbu yayi yambaninu, mambu mayingi mampasi tuwanananga mau. Ezak’e ntangwa, tulenda mona vo ke tulenda zizidila diaka ko. Kansi, avo tukwamanene kala ye ngwizani ambote yo Yave, okutusadisa kana nkutu tuwananene yo mambu masundidi e mpasi. (Yes. 43:2, 4) Vava tukalanga mu mpasi, nkia mambu tufwete vanga muna tatidila e ngwizani ambote yo Yave?

Sambu. Avo tuziwidi e ntima mieto kwa Yave, okutuvana luvuvamu yo nkuma tuvuidi o mfunu muna zizidila e mpasi.—Fili. 4:6, 7; 1 Tes. 5:17.

Tukutakanu. E diambu diankaka disundidi o mfunu i madia ma mwanda kekutuvananga o Yave yo kala vamosi ye mpangi zeto muna tukutakanu. (Ayib. 10:24, 25) Vava tukubikanga e malongi ma tukutakanu yo vana e mvutu zeto, tuvuanga nluta mia lusadisu lwa mwand’avelela Yave una ufwene.—Lus. 2:29.

Salu kia Umbangi. Avo tuvangidi mawonso muna kuyivana muna salu kia umbangi, dikutusadisa mu kala ye ngindu zasikila. O vanga wo dikumika mpe e ngwizani eto yo Yave ye mpangi zeto.—1 Kor. 3:5-10.

TALA E VIDEO, YAVE OKULUNGA-LUNGA. I BOSI, VANA E MVUTU ZA YUVU ILENDE:

• Nki kiasadisa mpangi Malu mu kala ye ngwizani ambote yo Yave muna ntangw’a mpasi?

  Mvutu:

• Nze mpangi Malu, aweyi e sono kia Nkunga 34:18 kilenda kutufiaulwisila vava tukalanga mu mpasi?

  Mvutu:

• E nona kia mpangi Malu aweyi kisongelanga vo Yave okutuvananga “ulolo wa nkuma” vava tukalanga muna mpasi?—2 Kor. 4:7

  Mvutu: