Nga oyangalelanga sadila e video kumosi ye yuvu ina muna nkanda Zinga ye Kiese Yakwele Mvu!? Adieyi tuvova mu kuma kia kunku “Avo Muntu Uvovese Vo,” “Kani” ye “Tala mpe oma Malende”? Nkia mambu mankaka mena muna nkanda wau mekusadisanga ekolo osalanga e salu kia kitula wantu se alongoki?—Mat. 28:19, 20.

Video, Malongi ye Audio: Avo nkanda wanietekwa ozolanga sadila, kulendi ziula video ko, malongi ngatu audio vana fulu kimosi. Kansi muna nkanda wa digitale, olenda sola kimosi muna kunku yá ina mo. Vana yanda a konso kunku, olenda vo solola e video, malongi ye audio zawonso zina mo. (Tala e fwaniswa kia 1.)

“Edição Impressa”: Avo nkanda wa digitale osadilanga muna longoka e Bibila yo muntu, ezak’e ntangwa olenda mona vo diambote mu sadila e “Edição Impressa” ekolo ofilanga e longi. Avo oziwidi e longi, bosa vana madodo tatu mena vana ntandu yo sola vana vasonama “Edição Impressa.” E sadilwa kiaki kikusadisa mu sungamena una mambu mevovelwanga muna longi menena ngwizani yo ntu a diambu wa longi. Muna vutuka muna edição digital, bosa diaka vana madodo tatu mena vana ntandu yo sola vana vasonama “Edição Digital.”

“Nga Yakubama Ngina?”: E babu yayi ina kuna mfoko a nkanda wa digitale, ivovelanga mana mevavuanga muna kuyifwanisa muna sila umbangi kumosi ye ampangi muna nkutakani yo vubwa. (Tala e fwaniswa kia 2.)

Mvovo Misasilu: E kunku kiaki kitoma sasilanga maka mambu mamfunu. Muna nkanda wa digitale muna ye link kuna mfoko a konso mvovo usasilu, avo obosele vana link, ikusadisa mu vutuka vana osukidi muna longi. (Tala e fwaniswa kia 2.)