Yave ozolele vo twansadila mu kuma kia sia vo zola tukunzolanga. (Mat. 22:37, 38) O zola muna Nzambi i kwau kusadisa alongoki mu vanga e nsobani muna zingu kiau yo sikila ye kwikizi muna ntangw’a mpasi. (1 Yoa. 5:3) O zola kwau muna Nzambi i kwau kukubafila mu baka e nzengo za vubwa.

Sadisa alongoki aku bamona una Nzambi kekubazolelanga. Ubayuvula e yuvu nze yayi: “Ediadi adieyi dilongele mu kuma kia Yave?” yovo “Ediadi aweyi disongelanga o zola kwa Nzambi muna ngeye?” Ubasadisa babakula una Yave kekubasadisilanga. (2 Tus. 16:9) Ubazayisa una Yave kavanina e mvutu za sambu yaku yasikididi, i bosi ubasadisa babakula una Yave kevaninanga mpe e mvutu za sambu yau. Tukalanga ye kiese vava alongoki a Bibila bebakulanga vo Yave okubazolanga, vava besonganga mpe o zola kwau muna Yave yo siamisa e kikundi kiau yo yandi.

TALA E VIDEO, SADISA ALONGOKI AKU BAVANGA KIKUNDI YO YAVE. I BOSI, VANA E MVUTU ZA YUVU ILENDE:

• Nkia nkakalakani kawanana zau o Petala?

• Aweyi Anita kasadisila Petala?

• Aweyi Petala kasundila e nkakalakani zazi?