Davidi wavonda Ngoleyate kadi wabunda Yave e vuvu. (1 Sam. 17:45) Yave ozolele songa nkum’andi muna wete dia selo yandi. (2 Tus. 16:9) Aweyi tulenda songela vo tubundanga e vuvu muna lusadisu lwa Yave vana fulu kia bunda e vuvu muna ngangu zeto yovo muna mambu twavanga kala? Yambula twavovela mpila tatu:

• Sambanga. Kusambinge kaka ko vava ovanganga e vilwa mu lomba e ndoloki, kansi vava otontwanga mpe mu vanga edi diambi. (Mat. 6:12, 13) Sambanga kwa Yave ke mu kunlomba kaka ko vo kasambula e nzengo zina obakidi kala, kansi lombanga luludiku ye ngangu zandi vitila wabak’e nzengo.—Yak. 1:5

• Kala ye nkubika yambote ya tanga e Bibila yo longoka. Tanganga e Bibila lumbu yawonso. (Nku. 1:2) Vaulanga e ntangwa mu badika tusansu twa Bibila yo sadila mambu mamfunu olongokele muna tusansu twatu. (Yak. 1:23-25) Kubamanga vitila wenda mu salu kia umbangi vana fulu kia bunda e vuvu muna ngangu za ngeye kibeni. Muna baka e nluta mia tukutakanu, kubikanga malongi vitila lukutakanu

• Salanga kumosi ye nkubik’a Yave. Zayanga o mambu masobele muna nkubik’a Yave yo sadila mo vana vau. (Nta. 9:17) Lemvokelanga akuluntu vava bevananga malongi yo tuludiku.—Ayib. 13:17

TALA E VIDEO, KE NUMWENA LUBANGAMU WONGA KO. I BOSI, VANA E MVUTU ZA YUVU ILENDE:

• Nkia wonga bakala wau ampangi z’akala ye z’akento?

• Nki kiabasadisa mu sunda o wonga wau?