Zakariya 14:1-21

  • Nsundidi ya nsambil’aludi (1-21)

    • Mongo a Olive uvambulwa vana kati (4)

    • Wantu awonso Yave kaka besambila, nkumbu andi kaka bekembela (9)

    • Vuku kuna kwa mbeni za Yerusaleme (12-15)

    • Nkinzi a Sudi (16-19)

    • Yinzu yawonso yavauka ikala kuna kwa Yave (20, 21)

14  “Tala, e lumbu mu lwaka se kina, e lumbu kia Yave, vava mavua maku* mekayaneswa vana kati kwaku se sanzu.  Ikutakesa zula yawonso yanuanisa Yerusaleme; e mbanza ibakama, e nzo zisanzwa, akento belekwa mu ngolo. E ndambu a nkangu a mbanza benatwa muna kinkole, kansi o nkangu una usala muna mbanza ke ufukiswa ko.  “Yave ovaika kanuanisa e zula yoyo,+ nze una kenuaninanga muna lumbu kia vita.+  E lumbu kiakina e tambi yandi ikala vana Mongo a Olive,+ una mantalani ye Yerusaleme, kuna este; e Mongo a Olive uvambana vana kati, tuka kuna este* yakuna weste,* vevangama ndimba anene vana kati; e ndambu a mongo ikwenda kuna node, e ndambu yankaka kuna sude.  Nutinina kuna ndimb’a miongo miame, kadi o ndimb’a miongo ulwaka yakuna Asele yawonso. Nutina nze una nuatinina e nzakam’a ntoto muna lumbu ya Uziya wa Ntinu a Yuda.+ Yave wa Nzambi ame okwiza, aveledi awonso bekala yandi.+  “E lumbu kiakina ke vekala ntemo ukezima ko,+ e lekwa zizama izizama.  E lumbu kiakina kizayakana se lumbu kia Yave.+ Ke vekala mwini ko ngatu fuku; muna fuku o ntemo uvaika.  E lumbu kiakina maza mamoyo+ mevaika tuka muna Yerusaleme,+ e ndambu a maza ikwenda kuna mbu wa este,*+ e ndambu yankaka ikwenda kuna mbu wa weste.*+ Ediadi divangama muna nsungi a mvula ye nsungi a sivu.  Yave okala se Ntinu a nza yawonso.+ E lumbu kiakina wantu awonso Yave kaka besambila,+ nkumbu andi kaka bekembelela.+ 10  “E nsi yawonso ikituka nze Araba,+ tuka kuna Ngeba+ yakuna Rimone,+ kuna sude a Yerusaleme; Yerusaleme itundidikwa vana fulu kiandi, o nkangu uzingila mo,+ tuka vana Vitu dia Benyamini+ yakuna Vitu Diantete, yakuna Vitu dia Konko, tuka kuna nzo yandá ya Kananele+ yakuna makaminu ma ntinu. 11  Wantu bezingila mo; ke muzengelwa diaka tumbu kia lufwasu ko,+ Yerusaleme izingilwa muna luvuvamu.+ 12  “Ekiaki i vuku kina Yave ketwasila nkangu miawonso minuanisa Yerusaleme:+ Wau batelamene, e nitu zau, meso mau yo tubini twau tuwola. 13  “Muna lumbu kiakina, e mavuanga metuka kwa Yave mekota vana kati kwau; konso muntu muna yau osimbinina nkwandi, konso muntu onuanisa nkwandi.+ 14  Yuda mpe onuana vita muna Yerusaleme; e kimvuama kia zula yawonso izietele, kutikwa kikutikwa vamosi, wolo, palata ye mvuatu, ulolo kikilu.+ 15  “E vuku kiaki kilwakila mpe mvalu, mula, samo ye mabuluku ye twelezi yawonso y’awana bena muna ndo. 16  “Awonso besala muna zula yawonso ina yayiza nuanisa Yerusaleme, betomboka konso mvu+ muna vumbamena* Ntinu, Yave a vu+ yo kembelela Nkinzi a Sudi.*+ 17  Kansi, avo muntu muna makanda ma nsi olembele tomboka kuna Yerusaleme mu vumbamena Ntinu, Yave a vu, muna yau ke munoka mvula ko.+ 18  Avo esi kanda dia Engipito balembi tomboka yo kota muna mbanza, ke benokenua mvula ko. Kansi, belwakilwa kwa vuku kina Yave ketwasa kwa zula ina yalembi tomboka muna kembelela Nkinzi a Sudi.* 19  Ekiaki i tumbu kia sumu dia Engipito ye sumu dia zula yawonso ina yalembi tomboka muna kembela Nkinzi a Sudi.* 20  “Muna lumbu kiakina e mvovo ‘O vauka kwa Yave’+ misonama muna ngunga za mvalu. E nzungu*+ za lambila muna nzo a Yave zikala nze pidi+ vana ndambu a ziku. 21  E nzungu* zawonso muna Yerusaleme ye Yuda zavauka zikala, za Yave a vu, awonso ana bekela yimenga bekwiza mo lambila. E lumbu kiakina ke mukala diaka musi Kenani* ko muna nzo a Yave a vu.”+

Mvovo vana yand'a lukaya

I sia vo, e mbanza iyikilu muna tini kia 2.
Yovo “kuna mpaikilu a ntangwa.”
Mvovo wa sina: “kuna kalunga.”
I sia vo, Mbu Afwa.
I sia vo, Mbu a Mediterrâneo.
Yovo “sambila.”
Yovo “Saba ya Zingila mu Kolo Kiakete.”
Yovo “Saba ya Zingila mu Kolo Kiakete.”
Yovo “Saba ya Zingila mu Kolo Kiakete.”
Yovo “nzungu zanene.”
Yovo “nzungu zanene.”
Nanga, “akiti.”