Yesaya 63:1-19
63 Nani ndioyo otuka kuna Edome,+Otuka kuna Bozera+ ye mvuatu mia se yakongola?*
Nani ndioyo ovuete mvuatu mia zitu,Odiatilanga muna nene wa nkum’andi e?
“I mono, Ndiona ovovanga mambu mansongi,Ndiona ovuidi ulolo wa nkuma wa vuluza.”
2 Ekuma o mvuatu aku winina wa mbwaki,Ekuma e mvuatu miaku minina nga mia muntu odiatanga uva muna kaminu?+
3 “Mono mosi kaka ndiete e uva muna kaminu.
Ke mosi ko vana vena o nkangu okedi yame.
Nkwamanene zo diatakesa muna makasi mame,Yo tufakesa zo muna nganzi zame.+
E mvuatu miame mizele ye ntimbu-ntimbu za menga mau,Mbebese o mvuatu ame wawonso.
4 Kadi e lumbu kia landa e kunda kina omu ntim’ame,+O mvu wakûla o nkangu ame ulweke.
5 Ntadidi, kansi ke vakedi muntu ko kansadisa;Nsivikidi wau vo ke vakedi ona unsadisa ko.
Muna kuma kiaki, o koko kwame kuntwasidi luvuzulu,*+O makasi mame mamfididi mu vanga diambu.*
6 Muna makasi mame ndiatakese nkangu,Ibanuikini o makasi mame, bakolelo+Ngitidi menga mau vana ntoto.”
7 Iyika walakazi wa Yave,Mavangu ma nkembo ma Yave,Muna mawonso kavangidi o Yave mu kuma kieto,+O ulolo wa mambu mambote kavangidi mu kuma kia nzo a Isaele,Mun’owu wa nkenda zandi yo zola kwandi kusundidi.
8 Kadi ovovele vo: “Kieleka, oyau i nkangu ame, o wana ana ke bekondwa kwikizi ko omu mono.”*+
Ozevo, oyandi okitukidi se Mvuluzi au.+
9 Muna mpasi zau zawonso, oyandi mpe wamona e mpasi.+
O nati andi a nsangu* wabavuluza.+
Muna zola kwandi ye nkenda zandi i kabakûdila,+Wabazangula yo kubanata e lumbu yawonso ya nz’ankulu.+
10 Kansi, oyau bankolamena+ yo kendeleka mwand’andi avelela.+
Dianu kakitukila se mbeni au,+Yo kubanuanisa.+
11 I bosi, basungamena e lumbu ya nz’ankulu,E lumbu ya Mose wa selo kiandi, bayuvula vo:
“Akweyi kena Ndiona wabatombola muna mbu+ kumosi ye avungudi a kambi diandi?+
Akweyi kena Ndiona wasia mwanda Andi avelela muna yandi,+
12 Ndiona wayambula vo koko Kwandi kwankuma kwafila o koko kwalunene kwa Mose,+Ndiona wavambula o maza vana ntadisi au+Kimana kayivangila nkumbu yakwele mvu?+
13 Akweyi kena Ndiona wabadiatisila muna maza menikukanga mu ngolo,*Kimana bakangala lembi ta sakuba,Nga mvalu muna makanga e?
14 O mwand’a Yave ubavundisiWauna e kambi dikulumukinanga kuna ndimba.”+
I wau wuwu ofidilanga o nkangu aku,Kimana wayivangila nkumbu ankembo.*+
15 Tala ova ntoto yo mona tuka kuna zuluTuka kuna fulu kiaku kiazanguka, kiavauka ye kiankembo.*
Akweyi kwina o vema kwaku yo nkum’aku,E nkenda zaku zisundidi+ yo walakazi waku e?+
Utuyimini wo.
16 Kadi ongeye u Se dieto;+Kana una vo Abarayama katuzeye koIsaele katusungamene ko,E Yave, ongeye u Se dieto.
Nkûdi eto wa tuka kolo, eyayi i nkumbu aku.+
17 E Yave, ekuma utuyambulwidi twatungiana muna nzila zaku?
Ekuma oyambulwidi* vo twabadisa e ntima mieto yo yambula kuvumina?+
Vutuka, mu kuma kia selo yaku,O makanda mena vo i vua diaku.+
18 O nkangu aku avauka wavua e nsi mu kolo kiakete kaka.
E mbeni zeto zidiatakese nzo aku avauka.+
19 Kadi muna mvu miayingi twakituka nze awana ke basidi yalwa kwa ngeye ko,Nze awana ke basidi yikilwa mu nkumbu aku ko.
Mvovo vana yand'a lukaya
^ Nanga, “mvuatu mia se kia mbwaki akongola.”
^ Yovo “koko kwame kunsundisi.”
^ Mvovo wa sina: “mansadisi.”
^ Yovo “ke bekumvuna ko.”
^ Yovo “E mbasi yatuka vana ntadisi andi.”
^ Yovo “maza ma sina.”
^ Yovo “nkumbu ambote.”
^ Yovo “kiavienga.”
^ Mvovo wa sina: “ovangidi.”
