Yesaya 62:1-12
-
Nkumbu ampa a Zione (1-12)
62 Mu kuma kia Zione kibutama ko,+Mu kuma kia Yerusaleme kivuena koYavana unsongi wandi ukezima nze ntemo+Yavana luvuluzu lwandi lukezima nze mini.+
2 “E nkento, e zula imona unsongi waku,+E ntinu miawonso mimona o nkembo aku.+
Ongeye mu nkumbu ampa oyikilwa,+Ina ituka muna nu’a Yave.
3 Ongeye okituka se kolowa yavienga vana koko kwa Yave,Mpu a kimfumu vana kandazi kia Nzambi aku.
4 Kusinga yikilwa diaka ko vo nkento abembolwa,+E nsi aku mpe ke iyikilwa diaka ko vo yasala e nkatu.+
Kansi oyikilwa vo Luyangalalu Lwame Luna Muna Yandi,+E nsi aku iyikilwa vo Nkento Wasompwa.
Kadi Yave okuyangalela,E nsi aku ikala nze nkento wasompwa.
5 Wauna e toko disompelanga mwenze,Awana bezingila omu ngeye bekusompa.
O Nzambi aku okuyangalela,Wauna e toko diansompi keyangalelanga e ndumb’ansompi.+
6 E Yerusaleme, nsidi ayingidi vana yaka yaku.
Oyau ke bafwete dingalala ko, kiakala muna mwini yovo muna fuku.
Oyeno nuvovelanga o mambu ma Yave,Ke nuvundi ko,
7 Ke nunyambula ko vo kavunda yavana ketoma sikidisa e Yerusaleme,Elo, yavana kekitula yo se kuma kia lusanisinu ova ntoto.”+
8 Yave odidi e ndofi muna koko kwandi kwalunene, muna koko kwandi kwankuma, oku vo:
“Kivana diaka mbwaza zaku ko se madia kwa mbeni zaku,E nzenza ke zinua diaka vinyu aku ampa ko ina ofuntukini.+
9 Kansi awana bekutika e mbwaza, bedia yo kembelela Yave;Awana bekutika e uva, benuina yo vana yanzala kiame kiavauka.”+
10 Nuviokela, nuviokela muna mavitu.
Nuvelelesa e nzila mu kuma kia nkangu.+
Nuvanga, nuvanga e bala-bala.
Nukatula mo matadi.+
Nutongeka e sinsu* mu kuma kia nkangu.+
11 Tala! Yave osamwini kwa nsuka za nza vo:
“Nuzayisa kwa mwan’ankento a Zione vo,‘Tala! Luvuluzu lwaku lufinamene.+
Tala! O nsendo andi wina yandi,O mfutu kevana una vana ntadisi andi.’”+
12 Oyau beyikilwa vo nkangu avauka, awana bakûdilu kwa Yave,+Ongeye oyikilwa vo Wavavua, Mbanza ke Yabembolwa Ko.+
Mvovo vana yand'a lukaya
^ Yovo “lunzi dia sinsu.”
