Yesaya 57:1-21
57 O nsongi ofwidi,Kansi ke vena muntu ko otokanene dio.
Akwa kwikizi mu fwa bena,+Ke vena muntu ko ozeye wo vo nsongi ofwidiMu kuma kia mpasi.*
2 Osolwele luvuvamu.
Awonso bekangalelanga muna unsongi bavundidi muna ziami.*
3 “Kansi vo i yeno, nufinama,E wan’a ndoki a nkento,E wan’a munta-zumba ye nkembi:*
4 Nani nusakanenanga e?
Nani nuyasunuinanga e nua mieno yo vaikisa tubini?
Nga ke yeno ko i wan’asumuki,Ye wan’avuni e?+
5 Ana bekalanga ye nsatu zasaka za vukana vana vena e nti mianene,+Kuna nsi a nti miawonso miatoma savuka,+Ana bevondelanga o wana muna ndimba,+Kuna nsi a nduka mia matadi e?
6 Matadi malengoka ma ndimba i kunku kiaku.+
Elo, ekiaki i kunku kiaku.
Kwa yau wayitila tukau twa ndua yo vana nkayilu.+
Nga mfwete yangalela* mambu mama e?
7 Okubikidi e mfulu aku vana mongo andá ye wazanguka,+Otombokele ko mu tambika kimenga.+
8 Otelamese sinsu kiaku kia luyindwilu kuna nim’a kielo ye lunzi dia kielo.
Ongeye umbembwele, okatwidi e mvuatu miaku;Otombokele yo vongesa e mfulu aku.
Okangidi yau e kangu.
Oyangalele leka yau mfulu mosi,+Yo tungununa e kiyakala.*
9 Okulumukini kwa Meleke* yo maziYe ulolo wa mazi mansunga.
Otumini anati aku a nsangu kwandá,Yo kulumuka muna Ziami.*
10 Ongeye uyifuntwini muna landa e nzila zaku zayingi,Kansi kuvovele ko vo: ‘Ke vena vuvu ko!’
Ovutulwisi e ngolo zaku.
Kiaki i kuma kuyoyele ko.
11 Nani omwenene o wonga yo zakamaKimana wayantika vuna?+
Kunsungamene ko.+
Kutokanene ko.+
Nga kikedi yabutama ko yo vavuka e?*+
Dianu kumbwenene wonga ko.
12 Isenzeka ‘unsongi’+ waku ye salu yaku,+Ke ikutwasila nluta ko.+
13 Vava olomba lusadisu,E teke okutikanga ke ikuvuluza ko.+
E tembwa kinata yawonso,E fulumwinu kiankatu kivevomona yo,Kansi ndiona otinina kwa mono ovua e nsiOtambula mongo ame avauka se vua.+
14 Divovua vo: ‘Nuvanga, nuvanga e nzila! Nukubika e nzila!+
Nukatula nkaku miawonso muna nzil’a nkangu ame.’”
15 Kadi i wau wuwu kavovele Ndiona Wazanguka yo Tundalala,Ndiona ozinganga yakwele mvu,+ una ye nkumbu vo mvauki:+
“Mono izingilanga vana fulu kiazanguka ye kiavauka,+Kansi izinganga mpe ye awana bakosomoka ye alembami,Muna fiaulwisa alembamiYo fiaulwisa e ntima mia awana bakosomoka.+
16 Kadi kikubatelamena yakwele mvu koNgatu kwamanana kubafungila makasi;+Kadi o wantu beyoya* mu kuma kiame,+Kana nkutu i vangwa ifulumunanga ina yavanga.
17 Yafunga makasi mu kuma kia sumu diandi dia vava e nluta kuna luvunu,+Muna kuma kiaki, inwende, inswekel’e ndose ame yo funga o makasi.
Kansi, okwamanene kangala nze nkolami,+ olende nzil’a ntim’andi.
18 Mbwene nzila zandi,Kansi, omono ikunwuka+ yo kumfila+Ikumfiaulwisa diaka+ kumosi ye awana bedilanga vana kati kwandi.”+
19 “Nsemen’e mvovo mia lusanisinu vana befo.
Ivana luvuvamu lwakwele mvu kwa ndiona una kwandá ye ndiona una lukufi,”+ u kavovele o Yave,“Wuka ikumwuka.”
20 “Kansi, e yimpumbulu ina nze kalunga kunikukanga, kuna ke kuvuvamanga ko,O maza mandi metombolanga e titi ye nteke.
21 Ke vena luvuvamu ko kwa yimpumbulu,”+ u kavovele o Nzambi ame.
Mvovo vana yand'a lukaya
^ Nanga, “Kalembi mona e mpasi.”
^ Mvovo wa sina: “bavundidi vana mfulu zau.”
^ Yovo “nkento a ndumba.”
^ Yovo “kuyifiaulwisila muna.”
^ Nanga mvovo wau nsambila ya teke uyikanga.
^ Nanga, “ntinu.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “yo sweka o mambu.”
^ Mvovo wa sina: “Kadi o mwand’a muntu ulala.”
