Yesaya 55:1-13
55 Nuiza, yeno awonso nuna ye vuina,+ nuiza oku kwina o maza!+
Oyeno nukondelo e nzimbu, nuiza, nusumba yo dia!
Elo, nuiza, nubonga* e vinyu ye kimvumina+ kia ngovo, lembi futa nzimbu.+
2 Ekuma nufwasilanga e nzimbu muna lekwa ina vo ke madia ko?
Ekuma nufwasilanga e mfutu eno* muna lekwa ina vo ke iyukutisanga ko?
Nungwa ye sungididi kiawonso, nudia madia mambote,+Nuyangalela madia mena vo mambote kikilu.*+
3 Nutamba o matu, nuiza kwa mono.+
Nuwá ye nukala o moyo,Kieleka, ikanga yeno e kangu diakwele mvu+Mun’owu wa nsilu a walakazi yasia kuna kwa Davidi, o nsilu wau wa ziku.+
4 Tala! Inkitwidi se mbangi+ kuna kwa zula,Mfidi+ ye nyadi+ kuna kwa zula.
5 Tala! Obokela e zula kina kuzeye ko,O wantu a zula ana ke bazeye ko bekwiza e ntinu kwa ngeyeMu kuma kia Yave wa Nzambi aku,+ wa Mvauki a Isaele,Kadi oyandi okukembesa.+
6 Nuvava Yave ekolo kalenda soloka.+
Numbokela ekolo kena lukufi.+
7 O kimpumbulu kayambula e nzil’andi+O muntu a mbi kayambula e ngindu zandi;Yambula kavutuka kwa Yave, ona okumfwila e nkenda,+Kwa Nzambi eto, kadi ololoka emvimba.*+
8 “Kadi e ngindu zame, ke i ngindu zeno ko,+E nzila zame, ke i nzila zeno ko,” u kavovele o Yave.
9 “Kadi wauna e zulu disundidi o vavuka yo ntotoI una e nzila zame zisundidi o vavuka ye nzila zenoE ngindu zame mpe ye ngindu zeno.+
10 Kadi, wauna e mvula ye mvula ampembe ikulumukinanga tuka kuna zuluKe ivutukanga ku zulu ko lembi yondeleka o ntoto, o ntoto wasavuka yo yima,Wavana mbongo kwa nkuni ye mbolo kwa ndie,
11 I una ukala e diambu divaika muna nu’ame.+
Ke divutuka ko lembi vanga diambu,+Kansi, dilungisa kaka konso dina ngiangalele,*+Dilunganisa emvimba e kani ntwikidi dio.
12 Kadi nuvaika ye kiese,+Mu luvuvamu nuvutulwilwa.+
E miongo ye kundubulu iyangalala vana ntadisi eno ye kazu kiakiese,+E nti miawonso mia mfinda misika e makonzo.+
13 Vana fulu kia mvanga vemena nti a sipelese,+Vana fulu kia titi ya ntongo vemena nti a militi.
Ediadi ditwasa nkembo kwa Yave,+Dikala se sinsu kiakwele mvu kina ke kivila ko.”
Mvovo vana yand'a lukaya
^ Yovo “nusumba.”
^ Yovo “e nzimbu zeno nufuntukinanga.”
^ Mvovo wa sina: “nuyangalela o mazi.”
^ Yovo “ololoka kuna mvevo wawonso.”
^ Yovo “konso kani diame.”
