Yesaya 40:1-31
40 “Nufiaulwisa, nufiaulwisa o nkangu ame,” u kavovele o Nzambi eno.+
2 “Nuzayisa kwa ntim’a* Yerusaleme,Nunzayisa vo e ntangw’andi a salu yangolo ifokokele,E mbi andi ifutilu.+
Tuka vana koko kwa Yave, otambwidi e kunku kiamvimba* mu kuma kia masumu mandi mawonso.”+
3 Nding’a muntu obokanga muna makanga, oku vo:
“Nuvelelesa* e nzil’a Yave!+
Nuvanga nzil’ampwena ye yasingama+ muna makanga mu kuma kia Nzambi eto.+
4 Yambula ndimba miawonso miazikwa,E miongo ye kundubulu yawonso yakululwa.
O ntoto a miongo ukituka se walelama.
O ntoto a mawulu-mawulu ukituka se wasingama.+
5 O nkembo a Yave usengomonua,+Wantu awonso bemona wo,+Kadi o nu’a Yave uvovele wo.”
6 Wá! Vena yo muntu ovovanga vo: “Samuna!”
O wankaka oyuvuidi vo: “Nkia diambu isamuna?”
“Wantu awonso bena se titi yankunzu.
O walakazi wau wawonso una nze luvuma lwa mfuta.+
7 E titi yankunzu iyumini,O luvuma lulengele,+Kadi e fulumwinu kia* Yave kiviokele vana ntandu andi.+
Kieleka, o wantu i titi yankunzu kwandi.
8 E titi yankunzu iyumini,O luvuma lulengele,Kansi, e diambu dia Nzambi eto dizinga yakwele mvu.”+
9 Tomboka kuna mongo andá,E nkento otwasanga e nsangu zambote mu kuma kia Zione.+
Tatula e nding’aku ye ngolo zawonso,E nkento otwasanga e nsangu zambote mu kuma kia Yerusaleme.
Tatula e ndinga, kumoni wonga ko.
Samuna kwa mbanza za Yuda vo: “Tala o Nzambi eno yandi oyu.”+
10 Tala! O Mfumu Yave okwiza yo nkuma,O koko kwandi kukunyadila.+
Tala! O nsendo andi wina yandi,O mfutu kevana una vana ntadisi andi.+
11 Nze mvungudi, oyandi olunga-lunga* e kambi diandi.+
Muna koko kwandi, okutakesa wan’a mameme,Okubanatina vana tulu kiandi.
Malembe-malembe kediatisila awana beyemekanga wan’au.+
12 Nani wateza o maza vana kandazi kia koko kwandi?+
Nani wateza e zulu muna lutama lwa koko kwandi?*
Nani wakutik’e mbundukutu a ntoto yo sia yo muna nzongo?+
Yovo nani wapeza e miongoYe nani wapeza e kundubulu muna balanza?
13 Nani wateza* o mwand’a Yave,Ye nani olenda kumvana e longi nga nludiki andi?+
14 Nani kayuvula muna vua umbakuzi,Yovo nani okunlonganga e yendelo dia unsongi,Yovo nani okunlonganga o zayi,Yovo nani okunsonganga e nzil’a umbakuzi wakieleka?+
15 Tala! E zula ina nga tonsi dia maza muna katini,Ibadikilu nga fimbundukutu vana balanza.+
Tala! Oyandi ozangulanga e sanga nga mbundukutu.
16 Kana nkutu nti mia Lebanone ke miafwana ko mu lemesa o tiya ntangwa zawonso,*E bulu yandi ya mfuta ke yafwana ko mu kuma kia lukau lwa ngioka.
17 Vana ntadisi andi, e zula yawonso ina nze lekwa ke kina ko;+Obadikilanga yo nze mpavala, nze ma kiakondwa o mfunu.+
18 Yo nani nulenda tezanesa Nzambi?+
Ye nki nulenda kumfwananesa?+
19 O nkwa salu ya moko ovangidi e teke,*O mvangi a lekwa ya sengwa olengele kio e wolo,+Yo vanga tuvambu twa palata.
20 O muntu osolele nti se lukau lwandi,+Nti una vo ke wawola ko.
Ovavidi nkwa umbangu wa salu ya mokoKavanga teke kiavalwa kina ke kibwa ko.+
21 Nga ke nuzeye wo ko e?
Nga ke nuwidi wo ko e?
Nga ke nuazayiswa wo ko tuka kuna lubantiku e?
Nga ke nuabakula wo ko tuka kiakubilwa e nkubilwa za ntoto?+
22 Vena ye Ndiona okalanga vana ntandu a ntoto wavindumuka,+Ana bezingilanga vo bena nga makonko.
Oyandi oyalumunanga e zulu nga nlele a vevele,Onananga dio nga nlele a saba mu zingila mo.+
23 Okitulanga ayadi se ma kiampambaOkitulanga afundisi* a nza se ma kiakondwa o mfunu.
24 Vava kaka bekunuanga,Vava kaka bemwangwanga muna ntoto,Vava kaka e ntombo zau zimenanga e mianzi muna ntoto,Bavemweno vana ntandu, bayumini,E kimbongela kibavevomwene nga minga.+
25 “Yo nani nulenda kuntezanesa? Nani ofwananene yame?” u kavovele o Mvauki.
26 “Nusengola o meso meno kuna zulu, nuatala.
Nani wasema e lekwa yayi?+
I Ndiona ovaikisanga yo nze vu kia makesa yo tanga yo kimosi-kimosi;Oyikilanga yawonso muna nkumbu.+
Mu kuma kia ulolo wa ngolo zandi yo nkum’andi umwesanga o wonga,+Ke vakondelo kana kimosi ko.
27 E Yakobo, ekuma ovovele, e Isaele, ekuma ozayisidi vo:
‘E nzil’ame iswekamene vana meso ma Yave,E mpasi imweswangwa kondwa kuma, o Nzambi ke tokanenanga zo ko’?+
28 Nga kuzeye wo ko e? Nga kuwidi wo ko e?
O Yave wa Mvangi a lekwa yawonso ova ntoto, i Nzambi yakwele mvu.+
Ke yoyanga nkutu ko ngatu tovoka.+
O umbakuzi wandi ke ulendi fimpakana* ko.+
29 Ovananga ngolo kwa ndiona oyoyeleYo nkuma kwa awana bakondelo e ngolo.+
30 O matoko beyoya yo yovoka,Aleke betá sakuba yo bwa,
31 Kansi, awana bebundanga e vuvu muna Yave bevua diaka o nkuma.
Betilumuka kuna zulu* nze ngo-zulu.+
Betikuna yo lembi yovoka;Bekangala yo lembi yoya.”+
Mvovo vana yand'a lukaya
^ Yovo “Nuvova ye ngemba kwa.”
^ Yovo “otambwidi nkumbu miole.”
^ Yovo “Nukubika.”
^ Yovo “Kadi o mwand’a.”
^ Yovo “ovungula.”
^ I sia vo, tuka vana ntu a nlembo anene yavana ntu a nlembo ansuka vava e kandazi kikalanga kiayalumuka. Tala Nku. B14.
^ Nanga, “ozeye.”
^ Yovo “ke ilenda vana nkuni zafwana ko.”
^ Yovo “ozunzidi e teke.”
^ Yovo “ayadi.”
^ Yovo “bakulwa.”
^ Yovo “Betilumuka muna mave.”
