Yesaya 25:1-12

  • Nkangu a Nzambi usambwilu kwayingi (1-12)

    • Lambu dia Yave dia vinyu yambote (6)

    • Lufwa ke lukala diaka ko (8)

25  E Yave, ngeye i Nzambi ame. Itundidikidi, nkembele nkumbu aku,Kadi ovangidi mambu masivi,+O mambu wakana* tuka kuna nz’ankulu,+Muna kwikizi,+ muna sikididi.   Kadi okitwidi mbanza se fuku dia matadi,Okitwidi e mbanza yazungwa e yaka se zumbu. E mbanza anzenza ke isidi diaka mbanza ko;Ke itungululwa diaka ko.   Muna kuma kiaki, nkangu ankuma ukukembelela;E mbanz’a zula ya abangiki ikumona wonga.+   Kadi okitukidi se swekameno diangolo kwa ndiona okondelo nsadisi,Se swekameno diangolo kwa nsukami muna mpasi zandi,+Se tininu dia mvul’a mupepe angolo,Ye viozi mu kuma kia mbangazi.+ Vava e mpemok’abangiki ikalanga nze mvula mupepe iwandamanga mu yaka,   Nze mbangazi muna ntoto ayuma,Ongeye okululanga mazu ma anzenza. Wauna e mbangazi ikululwilwanga kwa kini kia tuti,Muna mpila yayi, o nkung’abangiki usukisu.   Omu mongo wau,+ Yave a vu okubikila nkangu miawonsoE lambu dia madia mambote,+E lambu dia vinyu yambote,*Dia madia mambote mazala yo nluku,Dia vinyu yambote, yakenzwa.   Vana mongo wau, oyandi okatula* fukwa kifukanga nkangu miawonsoO nlele una* vana ntandu a zula yawonso.   Oyandi ofokola* lufwa yakwele mvu,+O Mfumu Yave okunguna mansanga muna ndose zawonso.+ Okatula lusembo lwa nkangu andi omu nza yawonso,Kadi yandi kibeni Yave ovovele wo.   Muna lumbu kiakina bevova vo: “Tala! Ondioyu i Nzambi eto!+ Tusidi e vuvu kieto muna yandi,+Oyandi okutuvuluza.+ Ondioyu i Yave! Tusidi e vuvu kieto muna yandi. Yambula twamona e kiese yo yangalela muna luvuluzu lwandi.”+ 10  Kadi o koko kwa Yave kuvundila vana mongo wau,+E Moabe idiatakeselwa vana fulu kiandi+Nga titi idiatakeselo vana fuku dia mbole. 11  Oyandi owanda yo* muna moko mandiWauna o muntu osiensianga* kewandilanga o maza muna moko mandi mu siensia,Okulula lulendo lwandi+Muna kuwandila muna moko mandi mazeye toma wanda. 12  Oyandi owula e mbanza yazungwa e yaka,Ye yaka yandi yandá ya lutaninu;Obwisa yo vana ntoto, vana mbundukutu kikilu.

Mvovo vana yand'a lukaya

Yovo “malongi wavana.”
Yovo “vinyu yalundwa ye boto.”
Mvovo wa sina: “omina.”
Yovo “E fukwa kina.”
Mvovo wa sina: “omina.”
I sia vo, Moabe.
Yovo “otanga mansa.”