Yesaya 2:1-22
2 Ediadi i diambu kamona o Yesaya wa mwan’a Amoze mu kuma kia Yuda ye Yerusaleme:+
2 Muna lumbu yambaninu,O mongo a nzo a YaveUtoma sikila vana mbata za miongo,Ukundidikwa vana ntandu a kundubulu yawonso,+E zula yawonso i kûna itomboka.+
3 Nkangu miayingi mikwenda yo vova vo:
“Nuiza, twatomboka kuna mongo a Yave,Kuna nzo a Nzambi a Yakobo.+
Oyandi okutulonga e nzila zandi,Oyeto tukangalela muna mayendelo mandi.”+
Kadi kuna Zione i kutuka o nsiku,*Muna Yerusaleme i mutuka e diambu dia Yave.+
4 Oyandi ofundisa vana vena e zulaYo singika o mambu ma nkangu miayingi.
Oyau bekitula e nsosolo miau se nsengo.
O madionga mau se zengelwa ya titi.+
E zula ke kizangula nsosolo ko mu nuanisa zula kiankaka,Ke belongoka diaka nuana vita ko.+
5 Nuiza, e nzo a Yakobo,Twakangalela muna ntemo a Yave.+
6 Nzambi obembwele o nkangu aku, e nzo a Yakobo,+Wau vo bazele ye lekwa ya Este;Bevanganga mavangu ma mpandu+ nga Afelesetia,O wan’a nzenza bazele vana bena.
7 E nsi au izele ye palata ye wolo,O tusalu twau ke tuna lutangu ko.
E nsi au izele ye mvalu,O makalu mau mavita ke mena lutangu ko.+
8 E nsi au izele ye fwafwala ya nzambi.+
Bevumbamenanga e salu ya moko ma yau kibeni,E lekwa yavangwa kwa nlembo miau.
9 Muna mpila yayi, o muntu okuyikululanga yo fusulwa e nsoni,Ongeye kulendi nkutu kubaloloka ko.
10 Kota muna tadi, uyisweka muna mbundukutu a ntotoMu kuma kia wonga wasaka muna YaveYe mu kuma kianene wa nkembo andi.+
11 O meso ma nkwa lulendo mefusulwiswa e nsoni,Akwa umvuania bekululwa.
Yave kaka otundidikwa muna lumbu kiakina.
12 Kadi, ekiaki i lumbu kia Yave a vu.+
Kikwiza kwa awonso bena vo akwa lulendo ye akwa kuyitundidika,Kwa wantu awonso, kiakala ana batundalala yovo ana basakalala,+
13 Kwa nsedele miawonso mia Lebanone miandá ye miazangukaYe kwa nti mia terebinte miawonso mia Basani,
14 Muna miongo miawonso miandáYe muna kundubulu yawonso yazanguka,
15 Muna nzo zawonso zandá ye muna yaka yawonso yangolo,
16 Muna nzaza zawonso za Tasisi+Ye muna nzaza zawonso zambote muna meso.
17 Akwa lulendo bekululwa,Akwa umvuania bekululwa.
Yave kaka otundidikwa muna lumbu kiakina.
18 E fwafwala ya nzambi ivila emvimba.+
19 O nkangu ukota muna nduka mia matadiYe muna mawulu muna ntoto,+Mu kuma kia wonga wasaka muna YaveYo nene wa nkembo andi,+Vava ketelama mu zakamesa o ntoto muna wonga.
20 Muna lumbu kiakina, wantu bebonga e fwafwala yau ya nzambi za palata ye woloZina bayivangila kimana bavumbamenangaYe betuba zo kwa mpuku* ye tumpukunia,+
21 Kimana bakota muna mawulu ma matadiYe muna mbamvu za matadi,Mu kuma kia wonga wasaka muna YaveYo nene wa nkembo andi,Vava ketelama mu zakamesa o ntoto muna wonga.
22 Muna wete dia yeno kibeni, nuyambula bunda e vuvu kwa mpasi muntu,Ona una vo fulumwinu kia mazunu mandi kwandi.*
Nkia nluta kalenda twasa?
Mvovo vana yand'a lukaya
^ Yovo “luludiku.”
^ Yovo “niunge.”
^ Yovo “e fulumwinu kina muna mazunu mandi.”
