Yesaya 10:1-34

  • Koko kwa Nzambi kwizidi muna Isaele (1-4)

  • Asuri⁠—​Nkau a makasi ma Nzambi (5-11)

  • Tumbu kia Asuri (12-19)

  • E nsadisw’a Yakobo ivutuka (20-27)

  • Nzambi ofundisa Asuri (28-34)

10  Tâtu kwa awana besokanga e nsiku miansoki,+Awana bekwamanananga soneka nkanikinu miampasi,   Mu lembi fundisa o mfundu a nsukami,Mu lembi vana e ndungidi kw’awana basakalele vana vena nkangu ame,+Mu bonga mavua ma akento bafwilwa akalaYo sanza o wana bakondwa mase!+   Adieyi nuvanga muna lumbu kia tumbu,+Vava lufwasu lutuka kwandá?+ Kwa nani nukwenda vavila lusadisu+Ye akweyi nusisa mavua meno?*   Kukala yedi ovanga ko, avo ke batalala kaka ko vana vena abakamiYovo bwa vana vena awana bavondelo. Muna mambu mama mawonso, o makasi mandi ke mavilukidi ko,Kansi, o koko kwandi kwakinu kwalambuka mu wanda.+   “Ekwe! O Nsuri,+O nkau wasongela makasi mame+Ye mvuala ina ova koko kwandi i yasongela e kudi diame!   Ikuntuma kanuana ye zula kia avengomoki,+Kanuanisa o nkangu umfungisi o makasi;Ikunkanikina kasanza sanzu diayingi yo baka lekwa yayingiKabadiatakesa nga nteke muna nzila.+   Kansi, oyandi ke kala ye ngindu zazi koO ntim’andi ke ukana vanga diambu diadi ko;Kadi e kani dia ntim’andi i fukisa,I fwasa zula yayingi, ke yakete ko.   Kadi oyandi ovovele vo: ‘Nga e mfumu zame ke atinu ko yau awonso e?+   Nga o Kaleno+ kena nze Kankemisi+ ko e? Nga o Kamati+ kena nze Ampadi+ ko e? Nga o Samaria+ kena nze Damaseke+ ko e? 10  O koko kwame kubakidi e yintinu isambilanga fwafwala ya nzambi,Ana bena vo e teke yau yavalwa isundidi eyi ya Yerusaleme ye Samaria o ulolo!+ 11  Nga kivanga kwa Yerusaleme ye teke yandi koWauna yavanga kwa Samaria ye fwafwala yandi ya nzambi e?’+ 12  “Vava o Yave kefokola e salu kiandi kiawonso vana Mongo a Zione ye muna Yerusaleme, otumba* o ntinu a Asuri mu kuma kia ntim’andi walutiangu ye ntal’andi ya umvuania ye yalulendo.+ 13  Kadi ovovele vo: ‘Ivangila e diambu diadi muna nkum’a koko kwameYe muna ngangu zame, kadi i nkwa ngangu. Ikatula e mingilu mia nkangu+Yo kutumuna tusalu twau,+Nze nkwa nkuma, isakidika awana bena mo.+ 14  Nze muntu olweke vana nzialwa,O koko kwame kubonga tusalu twa minkangu;Nze muntu okutikanga maki mabembolwa,Ikutika o nkangu awonso ova ntoto! Ke vena ona opupumuna mave mandi ko yovo ziula o nua ngatu kienga.’” 15  Nga e soka* dikuyitundidika vana vena ndiona ozengelanga dio e? Nga e si* kikuyitundidikanga vana vena ndiona ozengela kio e? Nga o nkau+ ulenda nikuna ndiona ozangwidi yo e? Yovo nkau wazangula ndiona kavangilwa mu nti ko e? 16  Muna kuma kiaki, o Mfumu aludi, o Yave a vuOtandisa o nkangu andi* akwa mpongo,+Olemesa tiya twangolo kuna nsi a nkembo andi.+ 17  O Ntemo a Isaele+ ukituka se tiya,+O Mvauki andi se nlaku;Uyoka yo bomona e nkeka zandi za mfinda ye mvanga miandi mu lumbu kimosi. 18  Osukisa emvimba o nkembo a mfinda andi ye wa mpatu andi a nti miyimanga bundu;Dikala nze vava o mbevo ketandanga.+ 19  E nti misala muna mfind’andiMiakete kaka mikala, emi milenda tangwa kwa kingiana-ngiana. 20  Muna lumbu kiakina, awana besala muna IsaeleYe awana besala o moyo muna nzo a YakoboKe beyekama diaka kwa ndiona wabawandanga ko;+Kansi, beyekama kwa Yave,Wa Mvauki a Isaele, ye kwikizi kiawonso. 21  Nsadiswa kaka ivutuka,E nsadisw’a Yakobo, kwa Nzambi Nengolo.+ 22  E Isaele, kana una vo nkangu aku,Una nze senge dia kalunga,Nsadiswa kaka ivutuka.+ Nzengo za fukisa zibakamene,+O unsongi ukubamina* nga kizalu.+ 23  Elo, nzengo za fukisa zibakilu kwa Mfumu, o Yave a vu,Zilungana muna nsi yawonso.+ 24  Muna kuma kiaki, i wau wuwu kavovele o Mfumu, o Yave a vu: “E nkangu ame uzingilanga muna Zione, kumoni wonga wa Nsuri ko, ona okunuwandilanga muna nzuadi+ ye okunuzangulwilanga o nkau andi nze una wavanganga Engipito.+ 25  Kadi ntangwa yakete kaka isidi e tumbu kiame se kifokoka; makasi mame meviluka muna yau muna kubafwasa.+ 26  Yave a vu okunwandila muna nzwangi,+ nze vava kasunda Midiani vana tadi dia Orebe.+ E mvual’andi ikala vana mbu, oyandi ozangula yo nze una kavanga kwa Engipito.+ 27  Muna lumbu kiakina, e zitu diandi dikatulwa vana vembo diaku,+E vangu kiandi kikatulwa vana nsingu aku,+E vangu kitololwa+ mu kuma kia mazi.” 28  Oyandi olweke kuna Ayate;+Oviokele muna Mingerone;Osisidi e funda yandi muna Mikemase.+ 29  Basaukidi o nkoko;Balele muna Ngeba;+E Rama izakamene, e Ngibeya+ ya Saulu itinini.+ 30  Kaza mu ngolo, e mwan’ankento a Ngalimi! Sia e sungididi, e Laisa! E Anatote wa nsukami!+ 31  E Madamena itinini. Esi Ngebime bavavidi e tininu. 32  Muna lumbu kiakina, oyandi oningama muna Nobe.+ Onikuna e nkome andi muna mongo a mwan’ankento a Zione,E kundubulu kia Yerusaleme. 33  Tala! O Mfumu aludi, wa Yave a vu,Mu zenga kena e tayi muna zú diangolo;+E nti misundidi o lá mu zengwa mina,Mina miandá mukululwa mina. 34  Oyandi ozengele kanka ya mfinda muna sadilwa kia sengwa,*O nkwa nkuma obwisa e Lebanone.

Mvovo vana yand'a lukaya

Yovo “nkembo eno.”
Mvovo wa sina: “itumba.”
Yovo “sengele.”
Yovo “dinguengue.”
I sia vo, “Nsuri” iyikilu muna tini kia 5 ye kia 24.
Yovo “E tumbu kikubamina.”
Yovo “soka.”