Nkand’a Yakobo 2:1-26

  • Osia mpambula i sumu (1-13)

    • O zola i nsiku a kintinu (8)

  • Lukwikilu lwakondwa mavangu lwafwa (14-26)

    • Nkuya bekwikilanga yo zakama (19)

    • Abarayama wayikilwa vo nkundi a Yave (23)

2  E mpangi zame, nga lukwikilu muna Mfumu Yesu Kristu wa nkembo eto nusimbininanga wau nusianga mpambula e?+  Kadi avo muna lukutakanu lweno mukotele muntu ovuete mpeto za wolo muna nlembo ye mvuatu mikezimanga, i bosi mukotele mpe nsukami ovuete mvuatu mia mvindu,  nga ndiona ovuete mvuatu miankezimi nuluta zitisa yo kumvovesa vo: “Ongeye vuanda ova fulu kiambote,” yo vovesa mpe nsukami vo, “Telama ova” yovo: “Vuanda ova nsikinu’a tambi yame”?+  Avo i wau nuvanganga, nga ke mpambula ko nusianga vovo nuina e?+ Nga ke nukitukidi afundisi ko ana bebakanga nzengo zambi e?+  Nuwá, e mpangi zame azolwa. Nga o Nzambi ke asukami ko kasola mun’owu wa nza kimana bavuamina muna lukwikilu+ yo vua Kintinu kina kasila o nsilu kw’awana bekunzolanga e?+  Vo i yeno, nuvezele nsukami. Nga ke amvuama ko bekunubangikanga+ yo kununata kuna mbazi za nkanu e?  Nga ke yau ko betiangunanga e nkumbu ambote ina nuabokelelw’e?  Avo nulundanga e nsiku a kintinu mun’owu wa sono: “Ofwete zola o nkwaku wauna okuyizolelanga,”+ diambote nuvanganga.  Kansi avo nukwamanene sia mpambula,+ nusumukini, o nsiku usonga e ziku vo nu asumuki.+ 10  Kadi ndiona olemvokelanga Nsiku wawonso, avo otele sakuba muna diambu dimosi, okulwidi Nsiku wawonso.+ 11  Kadi ndiona wavova vo, “Kute zumba ko,”+ wavova mpe vo, “Kuvondi ko.”+ Avo kutele zumba ko, kansi ovondele, nsiku okulwidi. 12  Nuvovanga yo vangila mambu nze awana befundisilwa muna nsiku a nkangu avevoka.*+ 13  Kadi ndiona olembi fwilanga ankaka e nkenda, ke fwilwa nkenda ko muna mfundisw’andi.+ E nkenda zilungiswa muna mfundu. 14  E mpangi zame, avo muntu ovovele vo una yo lukwikilu kansi ke songelanga lo mu mavangu ko, nkia mfunu dina?+ Nga lukwikilu lwalu lulenda kumvuluza e?+ 15  Avo mpangi ayakala yovo ankento okondelo mvuatu* yo madia mafwana muna lumbu, 16  mosi muna yeno umvovese vo: “Wendela kuna luvuvamu; yangalala yo yukuta,” kansi kamvene ko kina kavuidi o mfunu muna diambu dia nitu andi, ozevo nkia mfunu dina?+ 17  Diau dimosi mpe, o lukwikilu lwakondwa mavangu, lwafwa.+ 18  Kansi, wankaka ovova vo: “Ongeye una yo lukwikilu, omono ngina ye mavangu. Unsonga lukwikilu lwaku kondwa mavangu, omono ikusonga lukwikilu lwame muna mavangu mame.” 19  Nga okwikilanga vo vena ye Nzambi mosi e? Diambote ovanganga. Kadi e nkuya mpe bekwikilanga yo zakama.+ 20  Ongeye mpasi muntu, nga ozolele wo zaya vo lukwikilu lwakondwa mavangu ke luna mfunu ko e? 21  Abarayama wa se dieto, nga ke mu mavangu ko kalungisilwa vava katambika Isaki wa mwan’andi vana ziku e?+ 22  Omwene wo vo lukwikilu lwandi lwasala kumosi ye mavangu mandi, o lukwikilu lwandi mpe muna mavangu lwazikukila,+ 23  kialungana e sono eki kivovanga vo: “Abarayama okwikidi muna Yave,* wabadikilwa vo muntu ansongi,”+ wayikilwa vo nkundi a Yave.*+ 24  Numwene wo vo muntu oyikilwa vo nsongi muna mavangu, ke mu lukwikilu kaka ko. 25  Diau dimosi mpe yo Rakabi wa nkembi,* nga ke mu mavangu ko kayikilwa vo nsongi vava katoma tambula alangi* yo kubasindikila muna nzila yankaka e?+ 26  Ozevo, wauna e nitu yakondwa mwanda* yafwa,+ o lukwikilu mpe lwakondwa mavangu, lwafwa.+

Mvovo vana yand'a lukaya

Mvovo wa sina: “nsiku a luvevoko.”
Mvovo wa sina: “una nkonga.”
Yovo “nkento a ndumba.”
Mvovo wa sina: “anati a nsangu.”
Yovo “fulumwinu.”