Rute 4:1-22

  • Boaze otambulwidi kala se nkûdi (1-12)

  • Boaze yo Rute bawutidi Obede (13-17)

  • Luvila lwa Davidi (18-22)

4  Boaze otombokele kuna vitu dia mbanza,+ ovuende vana. Vava o nkûdi ona kayika+ keviokanga, Boaze ovovele vo: “E nengandi, wiza fonga ovava.” Wele, ovuende.  Boaze obokele akuluntu kumi a mbanza,+ ovovele vo: “Nufonga ovava.” Bafongele.  Boaze ovovese nkûdi vo:+ “Naomi ona watukidi kuna nsi a Moabe,+ ozolele teka o ntoto wa mpangi eto Elimeleke.+  Mbwene vo diambote yazayisa dio yo kuvovesa vo: ‘Sumba wo ova ndose a esi mbanza ye akuluntu a nkangu ame.+ Avo kûla okûla wo, kûla wo kwaku. Kansi avo kukûla wo ko, unzayisa, kadi ngeye ntete una yo nswa wa kûla wo, omono i nlandi aku.’” Ovutwidi vo: “Kûla ikûla wo.”+  Boaze ovovele vo: “E lumbu kina osumba o ntoto kwa Naomi, sumba wo mpe kwa Rute wa musi Moabe ona wafwilwa yakala, kimana wavumbula e nkumbu a mvumbi muna vua diandi.”+  O nkûdi vava kawidi wo, ovovele vo: “Kilendi wo kûla ko, kadi se yafukisa e vua diame. Kûla wo ngeye kibeni muna nsw’ame, kadi omono kilendi wo kûla ko.”  Kuna nz’ankulu muna Isaele, muna sikidisa mambu mawonso ma nkûla ye nsobani za nkûdi, owu diavangamenanga: O yakala wakatulanga e nsampatu+ andi muna kulu yo vana yo kwa nkwandi, i wau wasikidisilwanga e kangu muna Isaele.  Muna kuma kiaki, vava o nkûdi kavovese Boaze vo: “Kûla wo ngeye kibeni,” okatwidi e nsampatu.  Boaze ovovese ambuta yo nkangu wawonso vo: “O unu, yeno awonso nu mbangi+ vo nsumbidi kwa Naomi yawonso yavua Elimeleke ye yawonso yavua Kileyone yo Makelone. 10  Mbongele mpe Rute wa musi Moabe wa nkaz’a Makelone, kakala se nkaz’ame mpasi vo yavumbula e nkumbu a mvumbi muna vua diandi,+ kimana e nkumbu a mvumbi yalembi vilakanua vana vena mpangi zandi ye nkangu a mbanz’andi.* O unu, oyeno nu mbangi.”+ 11  Muna kuma kiaki, nkangu wawonso wakala vana vitu ye ambuta bavovele vo: “Tu ambangi! Yambula Yave kakitula o nkento okota muna nzo aku nze Rakele yo Lea, ana batunga e nzo a Isaele.+ Yambula wanungunuka muna Eferata,+ wakivangila nkumbu ambote muna Beteleme.+ 12  Muna mbongo kekuvana o Yave muna mwan’a ndumba ndioyu, e nzo aku ikituka nze nzo ya Perese+ wa mwan’a Tama kawutila Yuda.”+ 13  Boaze obongele Rute, okedi se nkaz’andi. Ovukane yandi, Yave umvene lau dia yimita yo wuta mwan’a yakala. 14  I bosi, akento bavovese Naomi vo: “Yambula Yave kakembelwa, wau kavene nkûdi o unu. E nkumbu a mwana ndioyu yazayakana muna Isaele! 15  Ovutulwisi* moyo aku, okusadisa muna kinunu kiaku, kadi o mwan’aku a longo ona otoma kuzolanga+ yandi unwutidi. O zola kwandi muna ngeye kuviokele o zola kwa wana nsambwadi amakala.” 16  Naomi obongele mwana, unsidi muna nkata, okedi se ndezi andi. 17  Akwandi akento bamvene e nkumbu. Bavovele vo: “Naomi owutilu mwan’a yakala,” bamvene e nkumbu a Obede.+ Yandi i se dia Yisai+ wa se dia Davidi. 18  Olwalu i luvila lwa* Perese:+ Perese wawuta Keserone;+ 19  Keserone wawuta Rami; Rami wawuta Aminadabi;+ 20  Aminadabi+ wawuta Nakesone; Nakesone wawuta Salemone; 21  Salemone wawuta Boaze; Boaze wawuta Obede; 22  Obede wawuta Yisai;+ Yisai wawuta Davidi.+

Mvovo vana yand'a lukaya

Yovo “vana vitu dia mbanz’andi.”
I sia vo, ntekolo a Naomi.
Mvovo wa sina: “Eyayi i mbandu a.”