Nsiku 6:1-25
6 “Emiami i nkanikinu, nsiku, nzengo za mfundisa zina Yave wa Nzambi eno kavana yanulonga, nualemvokela zo vava nusauka muna nsi ina nuvua,
2 kimana wavumina Yave wa Nzambi yo lunda e mîna miandi miawonso ye nkanikinu miandi mina ikukanikinanga—ongeye yo mwan’aku yo ntekolo aku+—muna lumbu yawonso ya zingu kiaku, kimana wazinga lumbu yayingi.+
3 E Isaele, wá yo lemvokela mio una ufwene, kimana wavatumuka yo wokela kwayingi muna nsi ifwamfumukanga kimvumina yo wiki, wauna o Yave wa Nzambi a akulu aku kasila o nsilu.
4 “E Isaele, wá: O Yave wa Nzambi eto i Yave mosi kaka.+
5 Ofwete zola Yave wa Nzambi aku yo ntim’aku wawonso yo moyo* aku wawonso+ yo nkum’aku wawonso.*+
6 E mvovo miami ikukanikinanga o unu mifwete kala muna ntim’aku,
7 ofwete mio kotesa* muna ntima mia wan’aku+ yo mokenena mio vava ofonga muna nzo aku, vava okiya muna nzila, vava oleka ye vava osikama.+
8 Kanga mio muna koko kwaku se luyindulu, mifwete kala vana lose lwaku nga tenda kia ntu.*+
9 Soneka mio muna malunzi ma mwelo a nzo aku ye muna mavitu maku.
10 “Vava Yave wa Nzambi aku kekukotesa muna nsi ina kadila e ndofi kwa akulu aku Abarayama, Isaki yo Yakobo vo, ovana yo kwa ngeye+—e mbanza zanene ye zambote zina kwatunga ko,+
11 nzo zazala ye lekwa yambote ya mpila zawonso ina kwasala ko, mawulu ma maza mana kwatima ko, mpatu za vinyu ye nti mia olive mina kwakuna ko—wadia yo yukuta,+
12 toma keba walembi vilakana Yave,+ ona wavaikisa muna nsi ya Engipito, muna nsi ya ubundu.*
13 Ofwete vumina Yave wa Nzambi aku,+ yandi ofwete sadila,+ muna nkumbu andi ofwete dila e ndofi.+
14 Ke nulandi nzambi zankaka ko, kiakala konso nzambi za nkangu minuzungidi,+
15 kadi Yave wa Nzambi aku ona wina ova kati kwaku i Nzambi ona ovavanga vo wantu basambila kaka yandi.+ Avo ke wau ko, makasi ma Yave wa Nzambi aku mekufusukila,+ oyandi okufukisa ova ntoto.+
16 “Ke nufwete tonta Yave wa Nzambi eno ko+ wauna nuantontela kuna Masa.+
17 Nufwete lemvokela e nkanikinu mia Yave wa Nzambi eno una ufwene, o tuludiku twandi ye nsiku miandi mina kanukanikina vo nualemvokela.
18 Ofwete vanga oma mansongi ye oma mambote vana meso ma Yave, kimana wavatumuka yo kota yo vua e nsi yambote ina Yave kadila e ndofi kwa akulu aku,+
19 muna yinga e mbeni zaku zawonso ova ntadisi aku, wauna o Yave kasila o nsilu.+
20 “Kuna sentu, vava o mwan’aku kekuyuvula vo: ‘Ayeyi i nsas’a tuludiku, nsiku ye nzengo za mfundisa zina Yave wa Nzambi eto kanukanikina?’
21 ozevo ofwete vutula kwa mwan’aku vo: ‘Abundu twakituka kwa Faro muna Engipito, kansi Yave watuvaikisa muna Engipito yo koko kwankuma.
22 Vana meso meto, Yave wavanganga sinsu yo masivi, manene ye malufwasu, muna Engipito,+ kwa Faro ye kwa esi nzo andi awonso.+
23 Watuvaikisa kwakuna kimana katutwasa okwaku muna kutuvana e nsi ina kadila e ndofi kwa akulu eto.+
24 I bosi, Yave watukanikina vo twalemvokela e nsiku miami miawonso yo vumina Yave wa Nzambi eto muna wete dieto diakwele mvu,+ kimana twakwamanana zinga,+ wau twina o unu.
25 Tuyikilwa vo ansongi avo tulemvokele nkanikinu miami miawonso una ufwene muna songa lemvo kwa* Yave wa Nzambi eto, wauna katukanikina.’+
Mvovo vana yand'a lukaya
^ Tala Nsas’a Mvovo.
^ Yovo “ye yawonso una yau.”
^ Yovo “vutukila; soneka.”
^ Mvovo wa sina: “vana kati-kati kwa meso maku.”
^ Mvovo wa sina: “nzo a ubundu.”
^ Mvovo wa sina: “vana ntadisi a.”
