Ngana 3:1-35

  • Kala ye ngangu, bunda vuvu kwa Yave (1-12)

    • Zitisa Yave ye lekwa yantalu (1-12)

  • Ngangu kiese zitwasanga (13-18)

  • Ngangu luvuvamu zitwasanga (19-26)

  • Kadilu kiambote kuna kw’akaka (27-35)

    • Vanga mbote kw’akaka avo dina mu lendo kiaku (27)

3  E mwan’ame, kuvilakani malongi mame* ko,Lunda nkanikinu miame muna ntim’aku,   Kadi mikukudikila lumbu yayingiYe mvu mia zingu ye luvuvamu.+   Kuyambula ko vo walakazi* ye kwikizi kiasisa.+ Kanga kio muna nsingu aku;Soneka kio muna babu kia ntim’aku;+   Muna diadi, osolola dienga ye umbakuzi wafwanaVana meso ma Nzambi ye ma wantu.+   Bunda Yave e vuvu+ ye ntim’aku wawonso,Kubundi vuvu muna* umbakuzi wa ngeye kibeni ko.+   Untadila muna nzila zaku zawonso,+Yandi osingika e nzila zaku.+   Kubundi vuvu muna ngangu za ngeye kibeni ko.+ Vumina Yave, vengomoka muna mbi.   Ediadi dikala se nlongo muna nitu aku*Yo kumika visi yaku.   Zitisila Yave muna lekwa yaku yantalu,+Ye mbongo antete* ya nkutik’aku yawonso;*+ 10  Ozevo, malundilu maku mezala,+Makaminu maku mesempoka ye vinyu yampa. 11  E mwan’ame, kubembola longi dia Yave ko,+Ngatu mwena lusembo lwandi e ngemi,+ 12  Kadi Yave osembanga awana kezolanga,+Wauna se kevanganga kwa mwana ndiona kezolanga.+ 13  Nkwa kiese o muntu osolwele ngangu+Yo muntu obakidi umbakuzi; 14  O baka ngangu disundidi wete ke mu palata ko,E nluta miandi misundidi wete ke mu nluta mia wolo ko.+ 15  E ntalu andi isundidi ina ya makolado;*Ke vena lekwa ko oyangalelanga kilenda tezaneswa ye ngangu. 16  E zingu kianda kina vana koko kwandi kwalunene;E kimvuama yo nkembo una vana koko kwandi kwalumonso. 17  E nzila zandi, zambote,Mayendelo mandi mawonso ma luvuvamu.+ 18  Yandi i nti a moyo kw’awana besimbinina zo,Awana betatidila zo beyikilwa vo akwa kiese.+ 19  Yave mu ngangu kakubikila o ntoto.+ Mu umbakuzi katoma sikidisila e zulu.+ 20  Muna zayi wandi o maza ma masina i mabulanenaYe matuti manokesa e lowa.+ 21  E mwan’ame, kuyambula sia sungididi muna mambu mama ko.* Tatidila ngangu za vimpi ye ndwenga; 22  Zikuvana moyoYo kala se nsanga muna nsingu aku; 23  Ozevo, i nkangala okangalela mu luvuvamu,Malu maku ke meta sakuba ko.+ 24  Vava olavalala, kukala ye wonga ko,+Vava oleka, o tulu twaku twambote tukala.+ 25  Kumona wonga wa konso diambu diansisi ko dikwizila kuna kinsalukisa,+Ngatu tembwa kiangolo kilwakila yimpumbulu.+ 26  Kadi Yave okala se nto a vuvu kiaku;+Olunda kulu kwaku kwalembi bakama muna ntambu.+ 27  Kuyambula vanga mbote ko kw’awana bafwanukini yo+Avo una ye lendo kia sadisa.*+ 28  Kuvovesa nkwaku ko vo: “Ndá kwaku; vutuka mbazi, i bosi ikuvana kio,”Avo olenda kio kumvana owau. 29  Kukani vanga mbi kwa mfinangani aku ko+Ona ozingilanga yaku mu luvuvamu. 30  Kutantani yo muntu nkatu-nkatu ko+Avo kavangidi diambu diambi ko.+ 31  Kumwena nkwa nsoki kimpala ko+Ngatu landa nzila zandi, 32  Kadi Yave omenganga mpuki,+Kansi okalanga se nkundi akola kw’ansongi.+ 33  E sibu kia Yave kina muna nzo a kimpumbulu,+Kansi osambula nzo z’ansongi.+ 34  Kadi ovezanga avezi,+Kansi ofwilanga alembami e nkenda.+ 35  Akwa ngangu nkembo betambula,Kansi mazowa besanisinanga mambu metwasanga e nsoni.+

Mvovo vana yand'a lukaya

Yovo “nsiku ame.”
Mvovo wa Kiyibere una ye nsasa vo: “zola ye walakazi ulembi suka.” Tala Nsas’a Mvovo. “Zola kulembi suka.”
Mvovo wa sina: “Kuyekamena.”
Mvovo wa sina: “nkumba aku.”
Yovo “kunku kisundidi o wete.”
Yovo “mfutu aku wawonso.”
Kalukatisiku ko vo, i ngangu, umbakuzi yo zayi wa Nzambi uyikilu muna tini iviokele.
Yovo “Avo koko kwaku kulenda wo vanga.”