Ngana 29:1-27
29 Ndiona okwamanananga badisa ntim’andi vava kesembwanga nkumbu miayingi+Ku kinsalukisa kekosomwenua, mawuku nkatu.+
2 Vava ansongi bewokelanga, o nkangu uyangalalanga,Kansi vava yimpumbulu beyalanga, o nkangu ubumanga.+
3 Ndiona ozolanga ngangu, omwesa se diandi e kiese,+Kansi, ona okangalanga y’akembi, kimvuama kiandi kefwasanga.+
4 Muna unsongi o ntinu osikidisanga e nsi,+Kansi ndiona ovavanga tambula mbabu fwasa kefwasanga yo.
5 Ndiona ovoveselanga nkwandi muna mvovo mia malengo+Malu mandi kelekelanga konde.
6 E sumu dia kimpumbulu i ntambu kwa yandi,+Kansi o nsongi oyimbilanga yo mona kiese.+
7 Nsongi otokanenanga mfundu wa nsukami,+Kansi e kimpumbulu ke tokanenanga dio ko.+
8 Akwa lusanu mbanza beyokanga,+Kansi akwa ngangu nsita bekululanga.+
9 Avo nkwa ngangu uyisidi mu ntantani ye zowa,Lusanu yo luvezo kaka lukala vo, kansi e diambu ke disingikwa ko.+
10 Abungudi a menga bemenganga munkondwa-kuma,+Bevavanga katula moyo wa nsongi.*
11 O zowa olwasumunanga makasi mandi mawonso,*+Kansi o nkwa ngangu wavuvama, oyalanga makasi.+
12 Avo mfumu osidi sungididi muna luvunu,E selo yandi yawonso yimpumbulu bekituka.+
13 O nsukami yo mbangiki bafwanana mu diambu edi:*
Yave otemesa meso ma yau wole.*
14 Avo ntinu ofundisidi asukami muna unsongi,+E kunda kiandi sikila kisikila ntangwa zawonso.+
15 O lubamba* yo lusembo ngangu luvananga,+Kansi o mwana walutulwa nsoni ketwasanga kwa ngudi andi.
16 Avo yimpumbulu iwokele, masumu mewokelanga,Kansi asongi besinga kubamona vava bebwa.+
17 Longa mwan’aku, katwasila e vundu;Yo kumwesa e kiese kiayingi.+
18 Vana vakondelo mona-meso,* o nkangu utungiananga,+Kansi, akwa kiese awana belundanga nsiku.+
19 O ntaudi ke tondanga singikilwa muna mvovo miankatu ko,Kadi, kana una vo obakwidi, ke songa nlemvo ko.+
20 Nga wamona kala muntu ovovanga lembi teka yindula?+
Vena ye vuvu kiasikila kwa zowa ke kwa yandi ko.+
21 Avo selo olutwilu tuka muna kileke kiandi,Kuna kulanda okituka se ntokozi.*
22 Ndiona ofunganga makasi mu nzaki, nkindu keyangumunanga;+O nkwa nsita masumu mayingi kenatanga.+
23 O lulendo lwa muntu lukunkulula,+Kansi nkwa ntim’a lulembamu zitiswa kezitiswa.+
24 Ndiona ovanganga kikundi yo mwivi, menga kekuyimenganga.*
Kana owidi e mboka mu kwenda ta kimbangi, ke vova diambu ko.+
25 Omwena wantu o wonga i ntambu,+Kansi ndiona obundanga Yave e vuvu taninua ketaninua.+
26 Wantu ayingi bevavanga wanana yo* nyadi,Kansi o muntu kwa Yave kevuila unsongi.+
27 O nkwa vilwa wangemi kuna kwa ansongi,+Ndiona okangalelanga muna nzil’a unsongi wangemi kuna kwa kimpumbulu.+
Mvovo vana yand'a lukaya
^ Nanga, “Kansi, o nsongi ovavanga tanina moyo andi.”
^ Mvovo wa sina: “mwand’andi wawonso.”
^ Mvovo wa sina: “bewanana.”
^ I sia vo, Yandi wabavana moyo.
^ Yovo “E longi; E tumbu.”
^ Yovo “mona-meso ya ungunza; lusengomono.”
^ I sia vo, muntu olembi tondanga.
^ Yovo “moyo andi kemenganga.”
^ Nanga, “bevavanga dienga dia.” Mvovo wa sina: “bevavanga ndose a.”
