Ngana 22:1-29
22 Osola nkumbu ambote disundidi ulolo wa kimvuama;+O zitiswa* disundidi palata ye wolo.
2 O mvuama ye nsukami bafwanana mu diambu edi:*
Yau awonso Yave wabavanga.+
3 O nlungaladi omwene vonza, oswekamene,Kansi e minkondwa ngangu balutakene yo baka e mfwilu.*
4 O nsendo a lulembamu yo vumi wa YaveUmvuama, nkembo ye moyo.+
5 E nsende ye ntambu mina muna nzil’a kimpumbulu,Kansi, ndiona ozitisanga moyo ovavuka zo.+
6 Longa mwana* muna nzila ina kafwete kwendela;+Kana nkutu vava kenuna ke vengomoka mo ko.+
7 O mvuama oyalanga nsukami,O ndevi okalanga se ntaudi a ndevisi.+
8 Ndiona okunanga vilwa, mpasi kekutika,+O lubamba lwa makasi mandi lusuka.+
9 O nkwa ntim’a mvevo* sambulwa kesambulwa,Kadi okayananga madia mandi yo nsukami.+
10 Yinga o mvezi,E nkindu zifokoka;E ntantani* ye luvezo lumana.
11 Ndiona ozolanga ntim’avelela ye mpov’a ngembaOkala se nkundi ntinu.+
12 O meso ma Yave melunga-lunganga zayiVo i mvovo mia ayekodi ofungisa mio.+
13 O molo ovovele vo: “Nkosi una kuna mbazi!
Vondwa ivondwa vana kati kwa ntanda!”*+
14 O nu’a nkento a kimpumbulu* i wulu diakoboka.+
Ndiona wavewa tumbu kwa Yave bwa kebwa mo.
15 O uzowa una muna ntim’a mwana,*+Kansi lubamba luvengomona wo.+
16 Ndiona ovunginika nsukami mu wokesa kimvuama kiandi+Ye ndiona ovana tukau kwa mvuamaSukama besukama.
17 Tamba o matu yo wá mvovo mia nkwa ngangu,+Kimana wasia ntima muna zayi wame,+
18 Kadi diambote walunda mio muna ntim’aku,+Kimana miawonso miakala muna befo yaku ntangwa zawonso.+
19 Muna bunda e vuvu kiaku muna Yave,O unu ivene zayi.
20 Nga kisonekene ko,Muna kuvana luludiku yo zayi,
21 Muna kulonga mvovo miaziku ye mialudi,Kimana wavutuka ye nsangu za sikididi kwa ndiona utumini?
22 Kuyiyi nsukami ko wau vo yandi nsukami,+Kubangiki nlembami ko vana vitu dia mbanza.+
23 Kadi yandi kibeni Yave ovovela mfundu au,+Okatula* e mioyo mi’awana bekubayiyanga.
24 Kuvangi kikundi yo nkwa makasi koNgatu kala nkundi a nkwa nsita za makasi,
25 Kimana walembi landa e nzila zandi,Yo kuyilekela e sokolo.+
26 Kukadi vana vena awana bebundanga ntulu ko,*Ana bevananga nsimbi muna mfuka z’akaka.+
27 Avo kuna ye lekwa ofuta ko,E mfulu ina olele ibongwa!
28 Kusientola sinsu kia mwingilu ankulu koUna wasiwa kwa akulu aku.+
29 Nga omwene nkwa ngangu muna salu kiandi?
Otelama vana ndose atinu;+Ke vana ndose a mpasi wantu ko.
Mvovo vana yand'a lukaya
^ Mvovo wa sina: “Ovua dienga.”
^ Mvovo wa sina: “bewanana.”
^ Yovo “yo vewa e tumbu.”
^ Yovo “mwan’ayakala; toko.”
^ Mvovo wa sina: “nkwa meso ma kiyaya.”
^ Yovo “mfundu.”
^ Yanzala kiakutakenanga nkangu mu teka, sumba lekwa yo tela mambu.
^ Mvovo wa sina: “nzenza.” Tala Ngana 2:16.
^ Yovo “mwan’ayakala; toko.”
^ Yovo “Oyiya.”
^ I sia vo, ana besianga nsilu.
