Ngana 2:1-22
2 E mwan’ame, avo otambulwidi mvovo miameYo lunda nkanikinu miame muna ntima,+
2 Watamba matu muna ngangu+Yo sia ntim’aku muna mbakula;+
3 Vana ntandu, avo obokele umbakuzi+Yo tatula ndinga muna mbakula;+
4 Avo okwamanene vava mambu mama nze palata,+Yo satulula mo nze tusalu twaswekama;+
5 Ozevo, obakula vumi wa Yave,+Yo solola zayi wa Nzambi.+
6 Kadi Yave yandi ovananga ngangu;+Muna nu’andi i mutukanga zayi yo umbakuzi.
7 Olundilanga ansongi e ngangu za vimpi;Yandi i ngubu kw’awana bekangalelanga muna ziku.+
8 Otaninanga nzila za unsongi,Yo lunda nzila za minkwikizi miandi.+
9 Ozevo, obakula edi diansongi, diambote ye dia ziku,Ye nzila zawonso zambote.+
10 Vava ngangu zikota muna ntim’aku+Yo zayi uyangidika moyo* aku,+
11 E ndwenga zikuyingila,+O umbakuzi ukutanina,
12 Kimana wavuluza muna nzila yambi,Muna wantu bevovanga mambu mabendomoka,+
13 Muna awana bayambula mayendelo mansongiKimana bakangalela muna nzila za tombe,+
14 Muna awana beyangalelanga vanga e mbi,Yo yangalela mambu mambi ye umpumbulu,
15 Awana bena vo nzila zau zabendomoka,O mayendelo mau mawonso matekama.
16 E ngangu zikuvuluza muna nkento wa munta-zumba,*Muna mvovo mia malengo mia nkento a kimpumbulu,*+
17 Ona wayambula yakala dia kindumba kiandi+Yo vilakana kangu kakanga yo Nzambi andi;
18 Kadi e nzo a nkento a kimpumbulu ku lufwa inatanga,E nzila zandi zifilanga ana batovoka muna lufwa.+
19 Konso ona ovukana yandi* ke vutuka ko,Ngatu vutuka diaka muna mayendelo ma moyo.+
20 Dianu vo, landa nzil’a wantu amboteYo tatidila mayendelo ma unsongi,+
21 Kadi ansongi kaka bezingila va ntoto,Akwa ziku* besikila vo.+
22 Kansi yimpumbulu, befwaswa ova ntoto,+Akwa luvunu vuzwa bevuzwa va ntoto.+
Mvovo vana yand'a lukaya
^ Tala Nsas’a Mvovo.
^ Mvovo wa sina: “nzenza.” Nanga, nkento wavambana yo Nzambi muna kuma kia nkal’andi yambi.
^ Mvovo wa sina: “nzenza.” Nanga, nkento wavambana yo Nzambi muna kuma kia nkal’andi yambi.
^ Mvovo wa sina: “okota muna nzo andi.”
^ Yovo “Ana betatidilanga kwikizi.”
