Ngana 13:1-25
13 O mwan’a ngangu owanga e longi dia se diandi,+Kansi mvezi ke wanga lusembo ko.+
2 Muna mbongo a mvovo miandi,* o muntu i muna kedila lekwa kiambote,+O luzolo lwa yimpumbulu i nsoki.
3 Ndiona okebanga nu’andi,* moyo andi ketaninanga,+Kansi ona oyasuna e befo yandi, fwaswa kefwaswa.+
4 E zolela ya molo yayingi kansi kena ye lekwa ko,+Kansi nkwa fululu otoma yukuta.*+
5 O nsongi omenganga luvunu,+Kansi mavangu ma kimpumbulu nsoni ye luvezo metwasa.
6 Unsongi utanina ona wina vo nzil’andi ya ziku,+Kansi o umpumbulu ubwisa nsumuki.
7 Vena ye ndiona okuyisonganga vo mvuama, kansi kena ye lekwa ko;+Vena ye wankaka okuyisonganga vo nsukami, kansi kimvuama kiayingi kena kiau.
8 E kimvuama i lukûlu lwa moyo a muntu,+Kansi asukami ke bevumiswanga nkutu ko.*+
9 O ntemo ansongi utoma kezimanga,*+Kansi e minda mia yimpumbulu zimwa mizimwa.+
10 O lulendo ntantani kaka lutwasanga,+Kansi, e ngangu zina kw’awana bevavanga luludiku.*+
11 E kimvuama kibakilwanga mu nzaki-nzaki* kuluka kikuluka,+Kansi kimvuama kia ndiona okutikanga malembe-malembe,* wokela kiwokela.
12 E vuvu kialembi lungana, ntima kiyelesanga,+Kansi e zolela kialungana i nti a moyo.+
13 Ndiona ovezanga e longi,* tumbwa ke tumbwa,+Kansi ndiona ozitisanga nkanikinu sendwa kesendwa.+
14 E longi dia* nkwa ngangu i nto a moyo,+Divengomona muna masokolo ma lufwa.
15 Umbakuzi wayingi dienga utwasanga,Kansi, e nzila y’akwa luvunu yampasi.
16 O nlungaladi mu nzayilu kevangilanga mambu,+Kansi, e zowa osenzekanga uzowa wandi.+
17 O nati a nsangu ona una vo kimpumbulu mu mpasi kebwa,+Kansi o ntumw’a ziku lukindisu ketwasanga.+
18 Ndiona ovezanga e longi sukama kesukama yo fusuka nsoni,Kansi ona owanga e longi* sanisinua kesanisinua.+
19 Avo e zolela kilungane, kiese ditwasanga kwa muntu,+Kansi o zowa omenganga vengomoka muna mbi.+
20 Ndiona okangalanga ye nkwa ngangu okala ye ngangu,+Kansi o nkundi a mazowa mpasi kemona.+
21 E mpasi zilakamanga asumuki,+Kansi, o luvuatumuku i nsendo ansongi.+
22 Muntu ambote vua kesisanga kwa atekelo andi,Kansi kimvuama kia nsumuki, kilundilwa nsongi.+
23 E mpatu ya nsukami madia mayingi yiyimanga,Kansi ilenda* fwaswa kwa vilwa.
24 Ndiona olembi sadilanga lubamba,* mwan’andi kemenganga,+Kansi ndiona ozolanga mwan’andi, okunlonganga ye fululu kiawonso.*+
25 O nsongi odia yo yukuta,+Kansi e vumu ya yimpumbulu ke ina ye má ko.+
Mvovo vana yand'a lukaya
^ Mvovo wa sina: “mbongo a nu’andi.”
^ Yovo “mvovo miandi.”
^ Mvovo wa sina: “okala ye mpongo.”
^ Mvovo wa sina: “ke bewanga lusembo ko.”
^ Mvovo wa sina: “wa kiese.”
^ Yovo “zina kw’awana bevuandanga e mfulu.”
^ Yovo “e kimvuama kiatuka mu vavala.”
^ Mvovo wa sina: “okutikilanga muna moko.”
^ Yovo “diambu.”
^ Yovo “O nsiku wa.”
^ Yovo “lusembo.”
^ Yovo “oyandi olenda.”
^ Yovo “longi; tumbu.”
^ Nanga, “okunlonganga vana vau.”
