Ngana 11:1-31
11 E balanza yaluvunu yangemi kuna kwa Yave,Kansi e zitu dialunga,* kiese dikumwesanga.+
2 Avo lulendo lwizidi, e nsoni zilandanga.+
Kansi e ngangu kuna kw’alembami zina.+
3 E ziku ki’ansongi kikubafila,+Kansi o luvunu lwa awana bevunanga lukubafwasa.+
4 O mavua ke mekala mfunu ko muna lumbu kia makasi,+Kansi o unsongi uvuluza muna lufwa.+
5 Unsongi wa munkondwa-tumbu usingika nzil’andi.
Kansi e kimpumbulu muna umpumbulu wandi kebwila.+
6 O unsongi wa ansongi ukubakûla,+Kansi akwa luvunu bebakilwa muna zolela yau.+
7 Avo kimpumbulu ofwidi e vuvu kiandi kivididi;E vuvu kia nkum’andi mpe kivididi.+
8 O nsongi ovuluzwa muna mpasi,E kimpumbulu ovinga vana fulu kiandi.+
9 Muna nu’andi, o mbendomoki otwasanga lufwasu kwa nkwandi,Kansi muna zayi muvuluzilwa ansongi.+
10 O wete wa ansongi uyangidika e mbanza,Avo yimpumbulu ivididi, vekala ye kazu kiakiese.+
11 Muna nsambu z’ansongi, e mbanza itundidikwa,+Kansi o nu’a yimpumbulu ubangula yo.+
12 O munkondwa-ngangu* nkwandi kevezanga,Kansi, nkwa umbakuzi, okalanga e pi-i.+
13 O nkumbi osengomonanga e mbumba,+Kansi ona obundwanga e vuvu,* mbumba kelundanga.*
14 Vana vakondelo luludiku lwa ngangu, o nkangu bwa ubwa,Kansi muna ulolo wa aludiki i mwina ye nluta miambote.*+
15 Ndiona ovanina nzenza e nsimbi, mpasi kemona,+Kansi, ndiona otina bunda e ntulu,* mu luvuvamu kekala.
16 Nkento ambote zitu kevuanga,+Kansi, akwa nsoki kimvuama bekutumunanga.
17 Nkwa ngemba nluta kekuyitwasilanga,*+Kansi, nkwa nsoki mpasi* kekuyitwasilanga.+
18 E kimpumbulu mfutu a luvunu ketambulanga,+Kansi ona okunina muna unsongi nsendo akieleka kevua.+
19 Ndiona otelamene e ngwí mu kuma kia unsongi, mu nzil’a moyo kena,+Kansi ndiona olandanga e mbi, ku lufwa kekwendanga.
20 Akwa ntima miabendomoka, bangemi kuna kwa Yave,+Kansi minkondwa-kuma, kiese bekuntwasilanga.+
21 Kala ye ziku mu diambu edi:* E yimpumbulu tumbwa betumbwa,+Kansi wana ansongi, ke betumbwa ko.
22 Wauna wina nlung’a wolo muna nzumbu a nguluI una o nkento ambote-mbote ona obembolanga ngindu zasikila.
23 O luzolo lwa ansongi wete lutwasa,+Kansi e vuvu kia yimpumbulu makasi kitwasa.
24 Ndiona ovaninanga kuna mvevo,* ulolo ketambula;+Ndiona ke zolanga kaya ko, sukama kesukama.+
25 Nkwa ntim’a mvevo, vuama kevuama,*+Ndiona okasakesanga* akaka, yandi mpe okasakeswa.+
26 O nkangu besiba ndiona osweka masa,Kansi besambula ona oteka mo.
27 O nkwa fululu muna vanga wete, dienga kevavanga;+Kansi ndiona ovavanga e mbi, mbi kikilu ikumbwila.+
28 Ndiona osianga vuvu muna kimvuama kiandi, bwa kebwa,+Kansi ansongi besakumuka nze makaya.+
29 Ona otwasanga e mpasi* kwa esi nzo andi, tembwa i vua diandi,+O zowa okala se ntaudi a nkwa ntim’a ngangu.
30 E mbongo a nsongi i nti a moyo,+Ndiona obakanga mioyo,* nkwa ngangu.+
31 Kieleka, avo muntu ansongi osendwanga ova ntoto,Nga kimpumbulu ye nsumuki keluta sendwa ko e?+
Mvovo vana yand'a lukaya
^ Yovo “zitu dia tadi dialunga.”
^ Mvovo wa sina: “munkondwa-ntima.”
^ Mvovo wa sina: “nkwa mwand’a ziku.”
^ Mvovo wa sina: “ofukanga e diambu.”
^ Yovo “vena ye luvuluzu.”
^ I sia vo, sia o nsilu.
^ Yovo “nsoni.”
^ Yovo “moyo andi kevanga wete.”
^ Mvovo wa sina: “Koko mu koko.”
^ Yovo “omwanganga.”
^ Mvovo wa sina: “oyitilanga maza.”
^ Mvovo wa sina: “vonga kevonga.”
^ Yovo “nsoni.”
^ Tala Nsas’a Mvovo.
