Mika 4:1-13
4 Muna lumbu yambaninu,O mongo a nzo a Yave+Utoma sikila vana mbat’a miongo,Ukundidikwa vana ntandu a kundubulu yawonso,E nkangu i kûna mitomboka.+
2 Zula yayingi ikwenda yo vova vo:
“Nuiza, twatomboka kuna mongo a Yave,Kuna nzo a Nzambi a Yakobo.+
Oyandi okutulonga e nzila zandi,Oyeto tukangalela muna mayendelo mandi.”
Kadi kuna Zione i kutuka o nsiku,Ye muna Yerusaleme i mutuka e diambu dia Yave.
3 Oyandi ofundisa vana vena nkangu miayingi+Yo singika o mambu ma zula yangolo ina kwanda.
Oyau bekitula e nsosolo miau se nsengo.
O madionga mau se zengelwa ya titi.+
E zula ke kizangula nsosolo ko mu nuanisa zula kiankaka.
Ke belongoka diaka nuana vita ko.+
4 Bevuanda,* konso muntu kuna nsi a nsing’andi a vinyu ye kuna nsi a nsand’andi,+
Ke vekala muntu ko okubamwesa wonga,+
Kadi nu’a Yave a vu uvovele wo.
5 Kadi nkangu miawonso bekangalela konso muntu muna nkumbu a nzambi andi,Vo i yeto, tukangalela muna nkumbu a Yave wa Nzambi eto+ yakwele mvu.
6 “E lumbu kiakina,” u kavovele o Yave,“Omono ilungalakesa atedingi,*Ikutakesa ana bamwanganiswa,+Kumosi ye awana yamwesa e mpasi.
7 Ikitula atedingi se nsadiswa,+Awana banatwa kwanda se zula kiangolo;+O Yave okubayala se ntinu vana Mongo a Zione,Tuka owau yakwele mvu.
8 Vo i ngeye, e nzo yandá ya kambi,E mongo a mwan’ankento a Zione,+Kwa ngeye lukwiza, elo, kwa ngeye lukwiza o luyalu lwantete,+E kintinu kia mwan’ankento a Yerusaleme.+
9 Ekuma okazilanga?
Nga kuna ye ntinu ko?
O nludiki aku ofwidi,I dianu obakamene nsongo nze mia nkento owutanga?+
10 Sengomoka yo buma nze nkento owutanga,E mwan’ankento a Zione,Kadi owau ovaika mu mbanza yo kwenda zingila kuna mfuta.
Okwenda yakuna Babele,+I kûna ovuluzilwa;+Kwakuna Yave okukûla vana moko ma mbeni zaku.+
11 Owau zula yayingi ikutakeswa kimana yatelamena;Bevova vo: ‘Yambula Zione yafunzulwa,Yambula ediadi diavangamena va meso meto.’
12 Kansi oyau ke bazeye ngindu za Yave ko,Ngatu bakula e kani diandi;*Kadi okubakutakesa vana bundilu nze ntete mia masa mizengelo ke kolo ko.
13 Telama, bunda masa, e mwan’ankento a Zione;+Kadi ikitula mpoka zaku se mpoka za sengwa,Ikitula kole yaku se kole ya nsongo,Okosomona nkangu miayingi.+
Oyekola e nluta miau mialembi songa kwa Yave,Yo umvuama wau kwa Mfumu aludi a nza yawonso.”+